पॅसेंजर ट्रेनचा प्रवास आगळावेगळा अनुभव म्हणजे पॅसेंजरचा प्रवास, गर्दीमध्ये मिळत नाही इथे मोकळा श्वास. फेरीवाल्यांचा होत असतो सतत लोकांना त्रास, येते इथे दुर्गंधी आणि उग्र वास. मजेची गोष्ट म्हणजे पॅसेंजरची गती, एक्सप्रेस वाटते चित्ता तर, पॅसेंजर आपली हत्ती. ज्याप्रमाणे, कधी चविस्ट नसते पॅसेंजरची भेळ त्याप्रमाणे कधी निश्चित नसते पॅसेंजरची वेळ. सतत फिरत असतो तो पॅसेंजरमधील चहा किंमत सांगत असतो, 1 कपाचे दहा. विकतात चिक्की, चॉकलेट तर कोणी भाज्या, लहान मुलांची खायला, येते खूप मजा. भांडणाचा विषय असतो बसण्यासाठी जागा, फेरीवाले सतत बोलतात आमच्यकडे बघा. गर्दीत राहतात उभे, कोणी बसतात खाली, दरवाज्यात उभे राहणारे, ते ठरतात बळी. म्हणूनच स्वस्त असतं,पॅसेंजरचं तिकीट गर्दीमध्ये मिळत नाही बसण्यासाठी शीट. असा असतो गर्दीमधील पॅसेंजरचा प्रवास, एकाच ठिकाणी राहावे लागते, उभे अनेक तास. हर्षल दत्तात्रय चौधरी. #passenger train
