Jis Maa ne tujhe janam diya hai, us Maa ke naam ki to ijjat kar, khud ki behan betiyon pe aanch aaye to marne maarne pe uttar jaaye tu, kabhi dusro ke betiyon, behano ke baare bhi to socha kar... Is desh mein to Nadiyon(rivers) ko bhi hm Maa keh kar karte sambodhan hai, fir ussi desh mein karte kyun khud ki Maa, beti aur Behano ka soshan hai.... Wo Maa aur Ammi bhi aaj sharminda hongi jinki khokh se tu aaya hai, wo behan bhi aaj khoon ke aansu roti hogi jisne tujhe teri kalayon (wrist) mein pavitra rakhi pahnaya hai, na beta kehlane layak hai tu na kehlane layak hai bhai, kisi Masoom ke jeewan se khelna waale, tu hai Manusya roop mein kasai..... Wo ganga, yamuna bhi aaj khud ko apavitra maanti hogi jisse kabhi tunne puja hoga, wo ganga bhi aaj sukh jaana chahati hogi jisse tunne kabhi chua(touch) hoga... Ho chahe wo Nirbhaya ya fir ho wo koi Asifa, jab bhi aisi koi beti chikti chilati hogi hota hoga har ek mard jaat sharminda, bhale hi kapde un betiyon ke sharir ke nikale gaye ho par hota hai sara mard jaat nanga.... Are jis Durga Maa ki karta tu Puja uske roop ki to ijjat kar, betiyon ko jinke naam se puja hai jata, us naam ko to na tu ab sharminda kar..... Aaj kisi mandir mein na aarti hogi na padha jaega kisi masjid me namaj, bhagwan aur allah bhi aaj sochte honge kaisi nirmam nirday ho gyi hai bnayi hui meri ye duniya aaj..... #EveryRape leaves a scar on the country....
