ਅਫਸੋਸ ਨਹੀਂ ਐ ਦਿਲ ਨੂੰ ਕਿ ਉਹ ਛੱਡ ਕੇ ਗਿਆ | ਪਰ ਤਕਲੀਫ਼ ਐ ਉਹ ਗਲਤੀ ਕੱਢ ਕੇ ਗਿਆ | ਆਪ ਸੀ ਹੱਥੀਂ ਲਾਇਆ ਬੂਟਾ ਪਿਆਰਾਂ ਦਾ , ਆਪੇ ਕਮਲਾ ਹੱਥੀਂ ਹਾਏ ਜੜ ਵੱਢ ਕੇ ਗਿਆ | ਤੂੰ ਤੇ ਸੱਜਣਾ ਦਿਲ ਮੇਰੇ ਦੀ ਧੜਕਣ ਏਂ , ਕਹਿ ਉਸੇ ਦਿਲ ਵਿੱਚ ਖੰਜ਼ਰ ਗੱਡ ਕੇ ਗਿਆ | ਦੁਨੀਆਂ ਬੜੀ ਏ ਜ਼ਾਲਿਮ ਜ਼ਹਿਰੀ ਨਾਗ ਜਿਹੀ , ਉਸੇ ਦੁਨੀਆਂ ਦੇ ਵਿੱਚ ਰੋਂਦਿਆਂ ਛੱਡ ਕੇ ਗਿਆ | ਔਖੇ ਸੌਖੇ ਢੋਅ ਲਵਾਂਗੇ ਭਾਰਾਂ ਨੂੰ ਜਿੰਦੜੀਏ ਨੀ , ਦਿਲ ਤੇ ਬੋਝ .ਗਮਾਂ ਦੇ ਜਿਹੜੇ ਲੱਦ ਕੇ ਗਿਆ | ਤੂੰ ਕੀ ਖੱਟਿਆ ,ਜੱਸ, ਮੁਲਾਜ਼ੇਦਾਰੀ ਚੋਂ ਭੋਲ਼ਿਆ, ਰੌਣਕ ਦੱਸਦੀ ਚਿਹਰੇ ਦੀ ਉਹਤਾਂ ਖੱਟ ਕੇ ਗਿਆ | | ਜਸ ਕਲਿਆਣ 981454412 ©Jass Kalyan #ਅਫਸੋਸ