" ମାଁ " ଜନ୍ମ ହେବା ପରେ ମଣିଷ ଯେ କାଇଁ କାନ୍ଦିଉଠେ କଇଁ କଇଁ, ନ ଶୁଭୁଛି ଯହିଁ ଶିଶୁଟିର ରଡ଼ି ମାଁ କାନ୍ଦିଉଠେ ତହିଁ ! ସୃଷ୍ଟିର ଏ ଲୀଳା-ବିଧାନ ଗ୍ରନ୍ଥରେ ବର୍ଣ୍ଣିତ ଜୀବନ-ଲିପି। ମାଁ ର କୋଳରେ ସର୍ବଶ୍ରେଷ୍ଠ ସୁଖ, ସିଏ ହିଁ ତ ସ୍ୱର୍ଗାଦପୀ। ଭଗବାନଙ୍କର ଅଦ୍ଭୁତ ଏ ସୃଷ୍ଟି, ସାକ୍ଷ ସବୁ ଯୁଗ-କାଳ। ଭରିଦିଏ ସ୍ନେହ, ମମତା ଓ ବଳ; ସେହି ତ ମାଁ ର କୋଳ। ମାଁ ର ସେ କୋଳ ଶିଶୁଟିଏ ପାଇଁ ପାଲଟେ ସରଗପୁରୀ। ପ୍ରସବ ବେଦନା କିଏ ବା ଜାଣିଛି? ଜାଣେ ସେ ମହାନ ନାରୀ। ଅପାଣ୍ଡୁକ ତାର ସନ୍ତକ-ସନ୍ତକୀ ହୁଅନ୍ତି ଯଦିଓ ଭବିଷ୍ୟତେ, ନିତି କାନ୍ଦୁଥାଏ ମାଁ ର ହୃଦୟ ନିଜକୁ ହିଁ ନିନ୍ଦି ଅବିରତେ। ଯିଏ ଗଢ଼ିଛନ୍ତି ଏ ସୃଷ୍ଟିସମୂହ ସିଏ ହିଁ ତ ସର୍ବଦେଖା। ଶିଶୁ ମୃତ୍ୟୁ ପାଇଁ ଗର୍ଭକୁ ନିନ୍ଦନ୍ତି ଜାଣି ଏହା ଭାଗ୍ୟଲେଖା। କେବେ ବୁଝିବ ଏ ମଣିଷ ସମାଜ? ମାଁ ଅଟେ ସ୍ନେହ-ପରାୟଣ। ତା'ରି ଗର୍ଭରୁ ଜନ୍ମିବାକୁ ଏଠି ଇଚ୍ଛା କରିଥିଲେ ନାରାୟଣ। ଯଦି ସେ ଈଶ୍ୱର ପଚାରନ୍ତି ମୋର ଇଚ୍ଛା କେଉଁଠି ପୁନର୍ଜନ୍ମ ପାଇଁ, ସହୃଦୟରୁ କହୁଥିବି ମୁହିଁ ମୋ ମାଁ ର ସେ କୋଳ ଯହିଁ। ମାଁ ର ବର୍ଣ୍ଣନା କି ଭାବେ କରିବି ପାଇ ପାରେନାହିଁ ଶବ୍ଦ। ଏଥୁଅନ୍ତେ ପ୍ରେମେ ବିଦାୟ ମାଗୁଛି, କରୁଅଛି ପାଟି ସ୍ତଵ୍ଧ! #ମାଁ #mothersday #happymothersday #yqodia #truelove #heavenlylove #life #love
