یوم آزادی دے حوالے نال مفلس دھرتی لوگ لاچار بکھے |

یوم آزادی دے حوالے نال مفلس دھرتی لوگ لاچار بکھے تسے بھاگوں (نصیبوں) آزادی توں گھن کے آج تئیں ڈکھ دریا پے جھاگوں۔ حق نا حق دی جنگ کوں جتنڑ سوکھا کم نئی ۔ نینگر ڈھیر سیانڑا تھیوے حق دا راگ الاپوں آزادی توں گھن کے آج تئیں ڈکھ دریا پے جھاگوں ساڈے نینگر سنداں چا کے دیسوں کیوں پردیسی ۔ ونڈ جو مخلص دے ہتھ کائنیں محرومیاں ہیں سانگوں آزادی توں گھن کے آج تئیں ڈکھ دریا پے جھاگوں ایہو عاشق ایہو شاہد اے کجھ اقبال ہے آکھیا اٹھا آواز حق سانگے توں زندہ قوم دے وانگوں آزادی توں گھن کے آج تئیں ڈکھ دریا پے جھاگوں آزادی توں بعد ولا وی آزادی کیوں منگدن نت ظالم ہتھ واگ نہ رہسی ترٹسن آخر واگوں (ہتھکڑ یاں) آزادی توں گھن کے آج تئیں ڈکھ دریا پے جھاگوں۔ ساڈے ڈکھ دے قصے احسن ستر سال دے تھی گے ڈھیر مبارک باد ہے تیکوں بس ہنڑ نندروں جاگوں مفلس دھرتی لوگ لاچار بکھے تسے بھاگوں (نصیبوں) آزادی توں گھن کے آج تئیں ڈکھ دریا پے جھاگوں۔

یوم آزادی دے حوالے نال مفلس دھرتی لوگ لاچار بکھے

منصور بلوچ