A Glance কোনো এদিন সময় মিলাই স্বপ্নৰ নগৰীত যাম যাক মায়া নগৰী বুলি কয় ! সময় পালে আকৌ এবাৰ জয়পুৰৰ গোলাপী নগৰলৈ যাম ! তাৰ পৰা পোনে পোনে গভীৰ ৰাতিত ৰাজস্থানৰ মৰুভূমিৰ বালিত গৈ শুই থাকিম নিশাৰ আকাশৰ তৰা গননা কৰিম ! এদিন বাগিছা নগৰী কৰ্নাটকলৈ যাম প্ৰযুক্তি বিদ্যাৰ ৰাজধানী নগৰীৰ বাগিছাত ফুলৰ গোন্ধত কেইঘন্টামান মাতাল হৈ শুই থাকিম । ছিলিকন উপত্যকাৰ পৰা পোনতেই তাজ নগৰীলৈ যাম শ্বাহজাহান-মমতাজৰ প্ৰেমৰ সমাধি দৰ্শন কৰি এটি ঐতিহাসিক প্ৰেমৰ কবিতা লিখিম প্ৰধানমন্ত্ৰীৰ নগৰীৰ পৰা ডাইৰেক্ট হাইটেক নগৰী তেলেংগানালৈ যাম নিজামৰ ৰাজতন্ত্ৰৰ ৰাজ্য ভ্ৰমণ কৰি এখন ভ্ৰমণ কাহিনী লিখিম । এয়াৰ ইণ্ডিয়াৰে মিছৰৰ কাইৰো নগৰীলৈ যাম যাক ৰাতিৰ নগৰী বুলি কয় ! তাৰ পৰা নেদাৰলেণ্ডৰ টিউলিপ বাগিছাত গৈ সুগন্ধি ফুলৰ সুৱাসত বিদেশৰ মাটিত মাতাল হম শুই উঠি একেবাৰে পৃথিৱীৰ অন্তিম প্ৰান্তলৈ যাম নৰওয়েৰ ৰোগালেণ্ড পাহাৰৰ ওপৰত বহি ছালাত আদায় কৰিম ! বাৰ্সোলানাত যাম প্ৰাগ হৈ জেনেভাৰ সেউজ ঘাঁহনিত নিচিন্তে মনে বহি থাকিম , এদিন বিষন্নতাৰ মন লৈ হাডশন নৈৰ পাৰত সম্পূৰ্ণ পূৱাৰ পৰা গধূলি,সন্ধিয়ৰ পৰা মাজৰাতিলৈকে মন বেয়া কৰি বহি থাকিম । তাৰ পিছদিনা বিদেশ ত্যাগ কৰি দেশৰ সমাবেশ নগৰীলৈ উভতি আহিম ! উজাগৰী নিশা এদিন দেশৰ শিক্ষা নগৰীত যাপন কৰি , পোনে পোনে চাহ নগৰী মাতৃভূমিলৈ উভতি আহিম । ৰবি আলী সেখ