Yahi to waqt hai jab tumhe sambhalna hai... ki jab shauk dum tod denge zarurato k aage, aur jab khawahishe dhundhli ho uthegi sacch dekh k. Yahi to waqt hai jab tumhe sambhalna hai.. ki jab haseen wo saare pal lagte the ghar me bethe rehne ko, majburi lagne lagenge.. Aur jab nae pakwaano ki fehrist aa pohchegi roz k daal chawal par.. Yahi to waqt hai jab tumhe sambhalna hai.. ki berozgaari jo shabd sunte the kal tak khabro me, ghar aa pohchega.. aur chai pakodo ka vyapaar hi shaayad atmanirbhar karega.. Yahi to waqt hai jab tumhe sambhalna hai.. ki jab na'umeedgi aadat si lagegi, kohra sa dikhega kal aur jab band lagega har darwaaza, saal lagega har pal yahi to waqt hai jab tumhe sambhalna hai.. Ki kudrat le rahi imtehaan, parinde aazad kaed me hum hai.. abhi to kuch aur dur iss aafat ko saath chalna hai.. Yahi to waqt hai jab tumhe sambhalna hai.. Sikhaata hai aftaab "Raahil" ki kum hai umraa andhero ki, jiyeega kab talak andhera ki aftaab ko phir se nikalna hai... yahi to waqt hai jab tumhe sambhalna hai.. -Huzefa Chokla YAHI TO WAQT HAI JAB TUMHE SAMBHALNA HAI #YahiToWaqtJabTumheSambhalnaHai #hope #Covid19 #Peace #Urdu
