ਟਿੱਬੇ ਖਾ ਗਈ , ਛੋਲੇ ਖਾ ਗਈ, ਗੰਨੇ ਪੋਲੇ-ਪੋਲੇ ਖਾ ਗਈ। ਚਿੱਬੜ , ਵਾੜ-ਕਰੇਲੇ ਖਾ ਗਈ, ਰੁੱਖਾਂ ਦੇ ਝੁੰਡ , ਵੇਲੇ ਖਾ ਗਈ। ਖੁੱਲੀਆਂ- ਖੁੱਲੀਆਂ ਰਾਹਾਂ ਖਾ ਗਈ, ਨਰਮੇ ਅਤੇ ਕਪਾਹਾਂ ਖਾ ਗਈ। ਚੱਕੀ ਰਾਹੇ, ਓਲੀਆਂ, ਚਿੜੀਆਂ, ਘੁੱਗੀਆਂ ਅਤੇ ਗਟਾਰਾਂ ਖਾ ਗਈ। ਨਾ ਕਿਰਝਾ , ਨਾ ਰਹੇ ਟੋਟਰੂ , ਸਭ ਕੂੰਜਾਂ ਦੀਆਂ ਡਾਰਾਂ ਖਾ ਗਈ। ਠੰਢੀਆਂ-ਠੰਢੀਆਂ ਛਾਵਾਂ ਖਾ ਗਈ, ਕਿੰਨੀਆਂ ਸ਼ੁੱਧ ਹਵਾਵਾਂ ਖਾ ਗਈ। ਗੱਲ ਕੁਝ ਕੁ ਸਾਲਾਂ ਦੀ , ਸਾਰੀ ਕਰਤੀ ਖਤਮ ਕਹਾਣੀ। ਸਾਡਾ ਸਭ ਕੁਝ ਖਾ ਗਈ ਨੀਂ ਜੀਰੀਏ ਪੇੜ, ਪੌਣ ਤੇ ਪਾਣੀ। writer
