Nojoto: Largest Storytelling Platform

Download Nojoto

Install App Get upto ₹ 100 Cash

Download Nojoto

Nojoto Creators

Creators

28Stories
127Followers
1.8KLove
635Views

Meer Allahabadi

I am a teacher by profession and philosopher by passion I write poems particularly in urdu with a pet name Meer Allahabadi.

Popular
Latest
Video

Meer Allahabadi

White Ghaib me rah kar kalaam karti hai.
Khalwat me hujjat tamaam karti hai.

Fikr aql aur kya danishmandi.
Ek ana sab kuch tamaam karti hai.

Ikhlaaq se jo seenche kirdaar ka shajar.
Ye duniya unhi ko salaam karti hai.

Hasad kibr aur ye bugz-o-keena.
Ye aapas me rakhne aam karti hai.

Zulm sahna bhi to zulm jaisa hai.
Ye ravish nasle ghulaam karti hai.

Deen haq ibadat aur imaan ki fikr.
Dar haqeeqat ye fitne aam karti hai.

Faheem hai jo wo zara door hi rahte hai.
Had se zyada qurbaten badnaam karti hai.

Mano jo salah to yahi hai faqat meer.
ye zubaan ki tezi jeena haraam karti hai.

©Meer Allahabadi #sad_dp

#sad_dp

Meer Allahabadi

White Mujhse meri khamoshi ki wajah poochte ho.
tum kaidy se uski saza poochte ho.

Israar kya kare khata pe hum magar.
sab jaante ho kyun bewajah poochte ho.

Maukoof to na tha meri ruswai ka sabab.
kyun mujhse tum meri nizaa poochte ho.

Madfoon hai muddat se bojh tale hum.
humne kyun lagayi ye nida poochte ho.

Haal-e-zaahir tha meri wafaon ka sila.
hum par kyun chai ye fiza poochte ho.

Ek waqt tha wo paikar-e-ismat thi meri meer.
kadmon tale raundi hui qisa poochte ho.

©Meer Allahabadi #Sad_Status

#Sad_Status

Meer Allahabadi

White Sookhe hue lab ye khali larazte haath.
sahma hua dil aur ye shikasta zaat.
ghaur jo karo to ye kalaam karti hai.
bhoole hue falsafe aam karti hai.

Umeeden tooti hui ye bujhe hue jazbaat.
muntazir bayaan ko hai ek ankahi si baat.
Mujhse meri khalwat aksar sawaal karti hai.
bewajah hi khamakha malaal karti hai.

Ye mutamanni aankhen aur wasl ki raat.
kisi se kya chupa hai na waqt na haalaat.
Wo faqat hume dikhane ko jalaal karti hai.
haraam hai jo sheh use halaal karti hai.

Hai makrooz saansen chidhe hue afraat.
besabr se dikh rahe khud ahl-e-mohtaat.
bole jo agar to lisaan kamaal karti hai.
jo saqit rahti hai jeena muhaal karti hai.

©Meer Allahabadi #sad_shayari

#sad_shayari

Meer Allahabadi

White Kahne ko kai rishte hai apne bhi duniya me.
dekhon agar mujhe to shaad nazar aate hai.

Hamdard to nazar aate hai ba-zaahir me sabhi.
mauke par khade bas ek aad nazar aate hai.

Aafiyat ki umeed karoon agar bhi to kinse.
jo badan me misle mawaad nazar aate hai.

Milte hai jo mahfil me bade ikhlaaq se aaj.
neeyat me nifaaq-o-mafaad nazar aate hai.

Shaf-faaq libaas aala khushboo zewar zeb-e-tan.
kalaam kare to ba-khuda ajdaad nazar aate hai.

Dhoka na khana inke zahir se tum ae meer.
ye mehaz apni duniya me abaad nazar aate hai.

©Meer Allahabadi #good_evening_images

#good_evening_images

Meer Allahabadi

White Hum jinki sarparasti me parwaaz chadhte hai.
jinka wajood-e-aqdas sarapa karam hota hai.
baap ghar ke liye bada aham hota hai.

Zulm samajhte hai unki tarbiyat ko hum aulaad.
zehno me aqsar yahi waham hota hai.
baap ghar ke liye bada aham hota hai.

Thakta hai marta hai kya kuch na karta hai.
mujahid hai wo jisme kibr adam hota hai.
baap ghar ke liye bada aham hota hai.

Ameer ho ya ghareeb maalik ho ya ghulaam.
uske hi dum se ye kunba haram hota hai.
baap ghar ke liye bada aham hota hai.

Hath ho agar sir pe to khidmat kar lo meer.
baad me mehaz nadamat sir kham hota hai.
baap ghar ke liye bada aham hota hai.

©Meer Allahabadi #fathers_day

#fathers_day

Meer Allahabadi

Zindagi ek safar guzar jaye to kya.
chalte chalte nazar thehar jaye to kya.

Muddat se talaash me firta hoon dar-ba-dar.
thak kar jo baithoon wo mil jaye to kya.

Umeed karna chodon bhi to kaise chodon main.
taqdeer ka waraq hai palat jaye to kya.

Mangoon tumhe kaise main khud ke liye meer.
main khaak hoon wo falaq taras jaye to kya.

Khamosh dua karoon main khaliq se raat bhar.
hum par bhi ye bahaar baras jaye to kya.

Izhaar kare tumse ya na kare abhi.
isi kash ma kash ke chalte mar jaye to kya.

Thaam lo hume ke thak chuka hoon ab.
isi aas me sambhal kar gir jaye to kya.

Qismat ko hum par kuch aaya hai raham.
ek tumhare ewaz mera sab lut jaye to kya.

©Meer Allahabadi #happypromiseday

#happypromiseday

Meer Allahabadi

Aamad-e-zulfiqaar mubarak ho tumhe.
ye husn ye khumaar mubarak ho tumhe.
Mahfooz raho tum har shar-o-nifaaq se.
sarfaraaz kare rab tumhe qoowat-o-ausaaf se.

Yun hi damakti raho apne naam ki tarah.
mazeed umr mile misle nooh ko tarah.
Neymaton rahmaton se rab ikraam karta rahe.
feham ata kare tumhe mustaqbil sanwarta rahe.

Jaari rahe tumse mamba-e-ilm abreeq-e-jaan.
milta rahe faiz sail ho mawaran.
Chiraagh ho roshan karo dehar ko is tarah.
roshan ho tere baad bhi tera ye kaarwan.

©Meer Allahabadi #christmascelebration

#christmascelebration

Meer Allahabadi

Koshish to ki magar bata na saka.
mohabbat dil me rahi jata na saka.

Kaise kah pata main unse haal-e-dil.
aeb haeel the darmiyan jinhe hata na saka.

Wo mujjassama khoobiyon ka munnazzam hai aala hai.
main haqeer besabab ye faasle mita na saka.

Raahon me khade rahte hai badshah taaj liye.
main faqeer unke liye kabhi kuch laa na saka.

Kis muh se unhe apna mahboob kahoon main.
main unke myaar ko kabhi paa na saka.

Dua hai unhe mile unke jaisa koi.
main to khud ko kisi laayaq bana na saka.

Mujhko na samajh aaye kabhi adaab-e-zindagi.
main to koi rishta ho kabhi nibha na saka.

Kahte hai sab mujhe bad-ikhlaaq be-adab.
main to apni aajizi bhi kabhi dikha na saka.

©Meer Allahabadi #feelingsad

#feelingsad

Meer Allahabadi

Aaghaz to yaad nahi magar baat hua karti thi.
mauzoo koi bhi hi qawi taqreer hua karti thi.
adab taqraar falsafe din raat bayaan hote the.
is meethi nok jhok me kirdaar ayaan hote the.

Baaton hi baaton me unse lisaan ikraar karti thi.
wo dauraan-e-guftugu bada faraar hua karti thi.
kab kaise hum hi kyun sawaal hua karte the.
baat behas ban jati bade bawaal hua karte the.

Kuch roz hum baat tarq kare karaar kiya karti thi.
wo aqsar mera dalaail par hisaar kiya karti thi.
wo bari thi hum hi unse pyar kiya karte the.
koi mauqa ho hum bahut israar kiya karte the.

Faasle badal denge ehsaas gumaan kiya karti thi.
khumaar utar jata hai sab imkaan kiya karti thi.
unke feham me hum sab se yahi baat kiya karte the.
ishq hume na tha mehaz bakwaas kiya karte the.

Hum faqat saathi hai hum-mansab bataya karti thi.
fiqr to karti thi magar hamdard jataya karti thi.
dost samajh kar hum unhe har raaz bataya karte the.
unke laayaq na the fir bhi khwaab sajaya karte the.

Meri unko pane ki talab fizool bataya karti thi.
ehsaas nahi unhe kuch aisa roz jataya karti thi.
hum unse unki nafi par sawaal uthaya karte the.
mohtaat hai unke adab me unhe yaad dilaya karte the.

©Meer Allahabadi

#Shayari

Meer Allahabadi

Chalte chalte safar me raat ho gayi.
muntazir the zamane se mulaqat ho gayi.

Guzarte hue poocha usne haal jo mera.
mukhtasar hi sahi magar baat ho gayi.

Badla hua lehja tha badle hue mizaaj.
Hai koi khabar kaisy zaat ho gayi.

Mujhse mile to bole khayaal karo zara.
dekho kya se kya sifaat ho gayi.

Usne kaha sab se kasoor mera tha.
uska ye kahna meri nijaat ho gayi.

Samajhta raha jise ikhtelaaf ab tak wo.
usko nahi pata meri itaat ho gayi.

Zulm dha kar wo hargiz na jeeta meer.
koi batao use uski maat ho gayi.

Itne sabaq mile ke wo faheem ho gaya.
zubaan chalane wali sheh mohtaat ho gayi.

©Meer Allahabadi #onenight

#onenight

Home

Explore

Events

Notification

Profile