shagun sharma

shagun sharma Lives in Anjar, Gujarat, India

लिखना है तो ऐसा लिखना है जो दिल को छू जाए...वरना नही लिखना।

  • Latest Stories
  • Popular Stories

#compromise

4 Love
0 Comment

Pyar Ek emotion hai jise words me explain Karna bahut muskil hota hai.
Bat us din ki ho rahi hai jis din ki jab ek sacha aashik, jo break up se puri tarh se move on ho gaya hai….

Aaj mera dil jakhmi hai,

lakin saanson me magrururi hai,

Yeh kuch baate hai jo bekar hai….Lakin tujhe batani jaruri hai.

Aaj tune nahi pucha haal mera,

lakin tabiyat meri achhi hai,

Muskaan jara si juthi hai ,

lakin yeh baate bilkul sachi hai,

Aaj tune nahi pucha fir bhi mene khana khaya hai,

Aaj subah tera call nahi tha meri “Maa” ne mujhe jagya hai…..

Sukriya tera , sukriya tera ki aaj Raja beta hua hu fir se,

In babu , jaanu , sonnaon se duri hai….

Yeh kuch baate hai jo bekkar hai lakin tujhe batana jaruri hai.

Aaj badhe dino baad whatsapp pr DP khud ki lagai hai….

Kya batau teri sari photos delete karke kya gajb ke neend aai hai,

Aaj tere hone ya na hone se koi asar nahi hota hai ,

Aaj ja tu 24 ghante online rah le mujhe fark nahi padta hai.

Are bahut gujarish kar li tujse ab sakti bhi apni bhi puri hai …

Yeh kuch baate hai jo bekaar hai .. lakin tujhe batani jaruri hai.

ki aaj tujse nahi mila me magar mulakaat khud se ho gayi hai,

Tere bina ji nahi sakta yeh galatfahmi dur ho gayi hai …

Aaj purane conversation ko mene fir se nahi tatola hai ….

Ab tu khud hi padh unko ki fakr hoga tujhe ki tune kitni khubsurti se juth bola hai….

Aaj tanha hu to kya hua Is tanahi se meri yaari hai ….

Yeh kuch baate hai jo bekaar hai…… lakin tujhe batana jaruri hai.

Ha phone se lekar jahn tk har jagh se tujhe nikala hai,.

Riya sa ho gaya jab se tera number delete kar dala hai…

Me darta tha jis kal se, use aankhon me aankhe daal dekh aaya hu,

tere diye un khatto ko un fullo ko khusboo samet fenk aaya hu…

Aaj to jese jeet gaya hu warna bata ki sacche aashik ne kabhi baaji hari hai….

Yeh kuch baate hai jo bekaar hai lakin tujhe batana jaruri hai .

Aaj ter ghar ke aage se nahi nikla lakin bahut dur tk ja pahuncha hu…

Firta tha kabhi gali gali ab aasamaan me udthta hun ,

Mayusi thi jaha chahi jaha pr ,

Aaj waha muskaan fir se lout kar aai hai,

Dekh palke bhi kitni khush hai…muddato bad gaalo se takarai hai ,

Dekh aaj me…Akela hu aur pura hu , tu kisi ke sath hokar bhi adhuri hai….

Yeh kuch baate hai jo bekaar hai lakin tujhe batana jaruri hai….

Aaj utha hu bistar se aur aaine me sakl khud ki dekh dali hai,

Baal bhikre hai , dhadhi badhi hai, aur aankhe jara si kali hai…

Aaj to jese aankho ka pani khatm so ho gaya hai…

Tut kar jo judha hai dil …naya janm sa ho gaya hai…

Aaj sufiyht hai rukh pe, aankhon me ajab se noori hai….

Yeh kuch baate hai jo bekar hai lakin thuje batana jaruri hai.

0 Love
0 Comment

Ek Waqt tha jab tujse Beinteha pyar karta tha…..Ab to tu khud muhobbat ban chali aaye mujhe farq nahi padta….

Ek waqt tha jab teri parwah karta tha..Ab to tu mere khatir fannah bhi ho jaye to koi farq nahi padta….

Ek waqt tha jab teri ID ki njaane kitne chakkar lagata tha…Teri har post ke , har status ke maayne nikala karta tha…..ab sun le ki jo musalsal ( continusaly )khela hai tune block aur unblock ka khel mere sath…..Ja meri ID tha zindagi teri block list me rakh le mujhe farq nahi padta…..Yaad kar wo waqt jab mahaj teri DP dekh kar meri dhadakne tej ho jaya karti thi….Ab tu kisi rah gujar pr bilkul garib se gujar jaye to farq nahi padta….

Ek waqt tha jab tujhe takleef me dekh kar meri aankhe bhar aaya karti thi… Thuje agar koi kharoj bhi aa jaye to meri saanse atak jaya karti thi….Lakin ab sun le ki ab befekiri ka sarror hai mujh pe kuch asa ….Ki kambakht teri saanse bhi tham jaye to mujhe kuch fark nahi padta. ….Ha tera kahna bhi vajib hai ki ise ishq nahi kahte…Jo yeh kavita sun kar ek bewafa ko meri mohobat pe shak ho jaye to mujhe fark nahi padta…..

Ek waqt tha jab tere tor-E-ishq ki misaale diya karta tha pyar mohabbat ke mayano me bus kasme wadhe likha karta tha….Kya kamaal hasl kiya hai tune wafadarane ulfat ka (wafadarane ulfat-jo pyr ki wafa me believe karte hai) ki ab yeh sara ka sara sahar bewafa ho jaye mujhe farq nahi padta…..Ha mana ki teri khubsurti mashhur hai duniya jahan me…aur Ab is kavita se teri bewafai ke charche ho jaye to mujhe farq nahi padta….

Ek waqt tha jab teri ek Jhalak pane ko taras jaya karta tha…Tu jis khone se najar aati thi me wahi tahar jaya karta tha ….Are betha rakha tha tujhe muddato se jo in palkon pe mene… Asuloon se to gir gayi hai ab najron se gir jaye to farq nahi padta.
Badsirat ( Incarcerated) ho agar to fazool hai yeh khubsurti tumhari ..Fir bhale khuda tumhe hasin chahre baksh jaye to farq nahi padta…..

Ek waqt tha jab tujhe saharo sham beth kar manaya karta tha… gustakiyan(galtiya) teri hua karti thi aur darkhavaste(gujarish) me kiya karta tha
Tere us bevajah ruthne ko manaya hai mene n jaane kitni daffa……Ki bhale ab yeh puri ki puri kaynaat kaffha ho jaye mujhe fark nahi padta……Jo meri na ho saki wo uski kya hogi …Ab bhale kuch waqt ke liye kisi gair ka dil bahal jaye to fark nahi padta…….

Ek waqt tha jab teri mahak paane ko tu jaha se gujarati thi me wahan se gujarata tha…jo hawa tujhe chuthi hai wo mujhe chu jaye to is bharose se chalta tha…..Lakin ab sun le ki ab to suffi Ruh ki khusbu hai meri khud ki saanson me …Ab to tu bale is hawa me bhi ghul bhi jaye to mujhe farq nahi padta….Ki jab se meethi hona pasand aaya hai mujh ko…Fir chahe mahalon me aasiya ho jaye to fark nahi padta….Kher na tujhse Nafarat hai, na muhobbat hai koi… gilla sikhva nahi hai, n kuch Ansuna hai, na Ankaha hai…. bacha koi silsila nahi hai, Are mahaj in kavitaon me jikr bacha hai tera…Aur sun le ki ab itna taluk bhi khatm ho jaye to koi fark nahi padta…….

Rabta (Rishta) na ho bewafao se to hi bahatr hai mere yaar sab sun lena….Fir Chahe Rishta kaafir dilon se ho jaye to koi fark nahi padta…..Ek waqt tha jab me tujse payar karta tha

1 Love
0 Comment
2 Share

#Poetry

4 Love
2 Comment

Ye zindgi ka safar bhi kuch ajib sa hai,
Lagta iska har lamha manzil k karib sa hai
      kabhi aanhko me nami,
        kabhi hotho pe hansi,
Har aalam iska ek bahti hue nadi sa hai..

kuch Rishte tutte hai is safar me to
bante hai kuch khawab bhi naye
dekha bhi hai kuch cheharo ko
apni aankho ko aansuo se dhote hue.
ye har pal badalti waqt ki raftar sa hai
ye bhid me khoi ek lambi katar sa hai,,

yade kuch kho jati hai lamho me
lamhe kuch yad aate h yado me,
bate rah jati hai sawalo me,,.
kuch sawal kho jate hai jawabo me
ye har pal badlte mere hotho k geet sa hai
ye zindgi ka safar kuch ajib sa hai....

maloom nahi kaha tak hai rasta
phir bhi chalna to hai,
har kisi ko mujh se ,or mujhe unse
aage niklna to hai,,
ye kabhi kisi ki chikhti pukar sa hai
to kabhi kisi k sath chalne k intzar sa hai...


ye zindgi ka safar bhi kuch ajib sa hai
lagta iska har lamha manzil k karib sa hai
#Poetry #Quotes

4 Love
0 Comment