Guzarte palon ko dekh kar yun hi khayal aa jaata hai, Yaadon ke aayine pe jami hui maayusi ki parat aaj hataa hi do, Bahut din ho gaye iss makaan ko ghar kehte huye, Isse aaj iski sacchi tasveer dikha hi do, Ki yahaan in chaar diwaron mein toh mahaz sar chhupaate hain saahab, Rahat ki ek saans bhi kahaan aati hai ab, Aashiyaana toh tab tha jab duur se guzarti rail ki aawaaz keh deti thi ab khana laga hi do, Jab chhat pe bichhe huye bistaron ke liye ladayi hua karti thi, Ginte the kisne zyada patange luti hain iss baar, Aur ab luti huyi khwaishon ko ek pulinde mein sametne ki fizool koshish chalti hai, Kuchh udhaar le lun unn guzre palon se befiqari, Aur taaron ke neeche fir se ghar banaa hi do. #poetry #poetryisnotdead #shayari #yaadein #ghar #aashiyana #yqbaba #yqbhaijan
