Waqt marham ban sakta hai aur nasoor bhi Tay nahi kar paa rahi hoon apne is jivan ke mod ko Saayad musafir achchi nahi hoon Par lagta hai mujhe Samajhna aur Nasamajh banna ab bhi baki hai Kuch aur raaston se gujarna ab bhi baki hai Har musafir ki tarah umeed hai mujhe Bhatakte bhatakte hi sahi manjhil tak to pahuch jaungi Par kuch der aur thar kar sochti hoon kya waqt apna daao phir khelega? Meri abhilasha phir todega Ya fir theher kar mera intejaar karega Uljhe hue waqt ki uljhe hui jindagi suljhane ki koshish hai Phir ek nayi abhilasha bunne ki koshish hai Ho sakta hai waqt is baar mera ho Aasha hi Abhilasha ho Jivan ki paribhasha ho Waqt ko teherne ki nahi uske saath chalne ki koshish karna chahti hoon Jivan ko phir se ek nayi umeed dene ki koshish karna chahti hoon Chalna chahti hun phir us mod pe ek ajnabi musafir ki tarah Jaha waqt intejaar kar raha ho mera ek puraane dost ki tarah