°अभंगवाणी~विठ्ठलाचे नाम° विठ्ठलाचे नाम l घेता हो मुखानी ll समाधान मनी l पावे शांती ॥ १ ॥ काय गोड नाम l तुझे असे देवा ll मजसी केशवा l तुझा छंद ॥ २ ॥ कीर्ती तिन्ही लोकी l तुझी आहे अशी ll भेट द्या मजसी l विठू राया ॥ ३ ॥ मकर कुंडले l देखिताची कानी ll वसे ध्यानी मनी l तो श्रीरंग ॥ ४ ॥ कौस्तुभाचा मनी l रूळताहे कंठी ll टिळा तो लल्लाटी l चंदनाचा ॥ ५ ॥ चार वेद जणू l असे तुझे भाट ll असा थाटमाट l नाही कोठे ॥ ६ ॥ चारी मुक्ती तुझ्या l करिताहे सेवा ll तुजसम देवा l नसे जगी ॥ ७ ॥ राई रुखमाई l सेवेस तत्परी ll हरी हो श्रीहरी l तो वल्लभ ॥ ८ ॥ कर्तव्याची जाण l सदा असे तुज ll मनीचिये गुज l जाणताहे ॥ ९ ॥ तुझा तो महिमा l असे हो महान ll तूचि किर्तीवान l पांडुरंगा ॥ १० ॥ देवा मागताहे l घडो तुझी सेवा ll एकमेव ठेवा l द्या मजसी ॥ ११ ॥ ✍🏻©•देवानंद जाधव• •धामणी, पुणे.• • jdevad@gmail.com• •9892800137• ©Devanand Jadhav अभंगवाणी~विठ्ठलाचे नाम...
