°स्वर्ण सुख° ज्ञानाची समाधी । त्रैलोक्यी पावली ॥ धन्य धन्य झाली । इंद्रायणी ॥ अलंकापुरी ती । झालिया महान ॥ किती गुणगान । माऊलीचे ॥ भरे कार्तिकीस । वैष्णवांचा मेळा ॥ याची देही डोळा । पहा तुम्ही ॥ टाळ नि मृदंग । कीर्तन गजर ॥ सारे सान थोर । वाळवंटी ॥ गळीयासी वीणा । ध्वजा खांद्यावरी मुखी नाम हरी । चाले घोष ॥ जो तो दिसतोचि । हरी नामा दंग ॥ गाती ती अभंग । भक्तजन ॥ असा हा सोहळा । चाले रात्रंदिन ॥ भूक नि तहान । विसरुनी ॥ देवा वाटे सुख । काय काय वर्णू ॥ जणू स्पर्श स्वर्णू । झाला असे ॥ ©® •देवानंद जाधव• jdevad@gmail.com 9892800137 ©Devanand Jadhav संत ज्ञानेश्वर
