Nojoto: Largest Storytelling Platform

Download Nojoto

Install App Get upto ₹ 100 Cash

Download Nojoto

Nojoto Creators

Creators

🌜🌼🪷🕊️🐾🌛 सायंकाळीची वेळ, किती आल्हाददायक दिसे

🌜🌼🪷🕊️🐾🌛
सायंकाळीची वेळ, किती आल्हाददायक दिसे,
सूर्यास्ताचे रंग, आकाशात उधळले असेच भासे।
क्षितिजावर बघा, उमटली गुलाबी लालीची छटा,
🌼मावळतीचे रंग वाटे, आकाशाच्या कुरुळ्या लटा ।🌼

वारा मंद वाहतो, झाडे डोलत गातात,
पक्ष्यांचे थवे परतती, गगनात फिरत राहतात।
गावातील तो रस्ता, गजबजलेला होतो,
🌼धिम्या धिम्या प्रकाशात, नव्या रंगात न्हातो।🌼

चंद्रमा सज्ज होतो, रजनीच्या भेटीसाठी,
ताऱ्यांच्या चमकण्यात, सुरूवात होते दिव्यासाठी।
चांदण्यांची चमचम, नभांगणात पसरते,
🌼आणि या निशेच्या शांततेत, नवे जग उजळते।🌼

संध्याकाळी शांतता, जीवाला सुखवते,
दिवसभराच्या थकव्याला, नव्या उमेदीची भेट देते।
ही संध्याकाळची वेळ, किती गोड दिसे,
🌼सूर्यास्ताचे रंग, आकाशात खेळले भासे।🌼

जशी ही संध्याकाळ आहे निवांत शांत आणि समाधानी
अशीच असावी सगळ्यांच्या आयुष्याच्या संध्याकाळची कहाणी
उधाळावे रंग आपण ह्या सूर्यासमान, असावे चित्ती समाधानी
🌼बस इतकेच सुख लाभो देवा, हीच काय ती प्रार्थना तुझ्या चरणी 🌼
❤️❤️ Vaish-New ❤️❤️

©Vaishnavi Pardakhe
#EscapeEvening

Vaishnavi Pardakhe

Growing Creator

#EscapeEvening #मराठीकविता

288 Views