नदीचे शेवाळ ह्या निष्ठुर पावसात संसार माझा भिजला होता, त्यात हा बेईमान डोळा अजून पाण्याची भर घालत होता. दिसली चिखलात माखलेली माझ्या छकुलीची बाहुली, बाहुली होती धडधाकट,पण तिच्या डोळ्यातला चमकता मोती मात्र पडला होता. माझं कुटुंब आणि घरातल्या भिंतींमध्ये अंतर इतकच उरलं होतं, त्या होत्या चिखलाने माखलेल्या काळ्या आणि कुटुंब होतं भयानतेने पांढरेफट्ट पडलेलं. पिंजऱ्यातला बडबड्या काऊ तेवढा वाचला होता, पण बघून हा हाहाकार, त्याचा कंठ मात्र गोठला होता. अजूनही येतोय चिखलाला वास माझ्या मीठ,मिरची,तिखट आणि लोणच्याचा, घरात घुमतोय अजूनही तोच राक्षसी दर्प नदीच्या शेवाळाचा, नदीच्या शेवाळाचा...... -शिवकुमार (8055643756) नदीचे शेवाळ
