"90 - பின்னோட்டத்தில் ஒரு கண்ணோட்டம் வாழ்க்கைக்குப் பின்னே ஓடாமல் விளையாட்டாய் மட்டுமே ஓடிய நாட்கள் தொடுதிரைப் பார்க்க அல்லாமல் மரியாதைக்காக மட்டுமே குனிந்த நாட்கள் ஒரு பாடல் கேட்கக் கூட மனமின்றி அலைபாயாமல் ஒளியும் ஒலியும் காண வாரமேக் காத்திருந்த நாட்கள் ஒரு நொடியில் வாழ்த்துக் கூறி அடுத்த நொடியே மறக்காமல் ஒரு பக்கமே உருகி உருகி வாழ்த்துமடல் எழுதிய நாட்கள் எதிலும் கலப்படம் என்று எதையும் ஒதுக்காமல் குச்சி மிட்டாயைக் கூட ருசித்துச் சாப்பிட்ட நாட்கள் இன்றைய வளர்ச்சி அன்று இல்லையெனினும் இன்றளவும் மனதை குளிர்விக்கும் நாட்கள் ஆம் ! அவை அழகான நாட்கள் கடுகளவும் கள்ளமில்லா நாட்கள் ஆழமான அன்பு நிறைந்த நாட்கள் !! -ஜீவிதா 96
