🙏🌹गदबेर🌹🙏 हो गईल गदबेर के बेरिया, घरवा ना अइल

🙏🌹गदबेर🌹🙏 हो गईल गदबेर के बेरिया, घरवा ना अइले कन्हईया, ना अइले कन्हईया घरवा, काहे ना अइले कन्हईया, हो गईल गदबेर के बेरिया, घरवा ना अइले कन्हईया। जब बाजे गईयन के घंटी, जइसे मोहन के घंटी लागे, कबहू अँखिया लोर ढरै मईया, कबहू बेतहाशा भागे। दुअरा पे बाट निहारत ठाड़ बाड़ी, जसुमति मईया, हो गईल गदबेर के बेरिया, घरवा ना अइले कन्हईया। समूचे गाँवें के ग्वाल बाल सब, घरे चली अइलें, रूस गईलें हमरो गोपाल जी, जानें काहवाँ भूलईले। घरवा भीतर रोवेले बछड़ू, त दूआरे रोवेली गईया, हो गईल गदबेर के बेरिया, घरवा ना अइले कन्हईया। ना अइले कन्हईया घरवा, काहे ना अइले कन्हईया, हो गईल गदबेर के बेरिया, घरवा ना अइले कन्हईया। #भोजपुरी_की_पाठशाला #काव्य_मेला #गदबेर अनिल प्रसाद सिन्हा #bestquotes5863 #yqbaba #yqdidi

🙏🌹गदबेर🌹🙏 हो गईल गदबेर के बेरिया, घरवा ना अइल

Anil Prasad Sinha 'Madhukar'