जरा थोडेसे स्वतःला सावरून घेतो! विस्कळीत पडलेल्या स्वप्नांना, अन अडगळीतल्या आठवणींना जरा थोडेसे सावरून घेतो. दुःख, वेदनेचा आवेग आवरून घेतो. उद्विघन मनाच्या भावनांना, अचेत बांध बांधून घेतो. फाटलेल्या आत्मविश्वासास निश्चयाने सांधून घेतो. पुन्हा एकदा उभारी घेऊन स्वप्नांचा ताजमहाल बांधून घेतो. 'संपल्यात जमा आम्ही' अशा अफवांना पूर्णविराम देतो. सुखी क्षणांचे मोती सारे उद्यासाठी माळून घेतो. अपमानाचे क्षण सारे जाळून देतो. जरा थोडेसे स्वतःला सावरून घेतो. जरा थोडेसे स्वतःला सावरून घेतो.
