एक दिवस शाळेसाठी आपण ही द्यावे वर्षातून एकदा तरी शाळेस भेट देऊन यावे. स्वातंत्र्यदिन असो वा असो प्रजासत्ताक दिन शाळेसाठी राखून ठेवावा निदान एक तरी दिन. जावे शाळेत पुन्हा एकदा,पुन्हा एकदा तिच्या आठवणीत रमावे, काय काय दिले शाळेने आपल्याला,कधी ते ही आठवून पाहावे. एक दिवस शाळेसाठी आपणही काही करावे, जमावे माजी विद्यार्थ्यांनी एकत्र,पुन्हा शाळेला भेट देऊन यावे. नेहमीच जगतो आपण सर्वांसाठी एक दिवस शाळेसाठी ही जगून पाहावे. बघावे अजूनही शाळा तशीच आहे की काय फरक घडलेय शिक्षण दिले जीने आपल्याला,साक्षर केले,तिच्यात काय बदल घडलेय. नेहमीच जगतो आपण सर्वांसाठी एक दिवस शाळेसाठी ही जगून पाहावे. जीर्ण वाटली कुठे शाळा,कुठे जर मोडकळीस आल्या सारखी दिसली, उपकाराची जाण ठेवावी तिच्या,तिच्या पाठीशी उभे राहावे. शुभ संध्या मित्र आणि मैत्रिणीनों आताचा विषय आहे एक दिवस शाळेसाठी.... #एकदिवसशाळेसाठी हा विषय Manswi Goyal यांचा आहे. चला तर मग लिहुया.
