White 📞 तिचा फोन आला… 📞 पुष्कळ वर्षांनी तिचा

White *📞 तिचा फोन आला… 📞* पुष्कळ वर्षांनी तिचा आज अचानक फोन आला, आवाज तसाच, पण सूर थोडा बदललेला। कधी काळी जी सोबतीची स्वप्नं होती रंगवली, तीच स्वप्नं आज विरघळल्याची तक्रार होती मांडली॥ दबक्या आवाजात ती म्हणाली— "सगळं बदललंय रे, जीवनाच्या वाटा वेगळ्या वळल्या। पण कधी कधी वाटतं, आपण सोबत असतो तर किती बरं झालं असतं!" मी ऐकत राहिलो, शांत, न बोलता, तिच्या प्रत्येक शब्दात भूतकाळ होता गुंतला। कधी मी तिचं भविष्य होणार होतो, आणि आज, मी फक्त एक आठवण झालो होतो ॥ ती म्हणाली— "कदाचित सुखी झाले असते, तुझ्या सावलीत आयुष्य हे रंगले असते। हा सगळा नशिबाचा खेळ असतो म्हणे, पण काही स्वप्नं नशिबावर भारी असतात म्हणे... मी हसलो हलकसं, काही न बोलता, कारण उत्तर होतं, पण शब्द नव्हते। मनातल्या मनात म्हटलं, "हो, पण नियतीच्या खेळात हरलेलो आपण दोघंच होतो!" ती बोलत राहिली, आठवणी जागवत, मी ऐकत राहिलो, हसत-हसत। शेवटी फोन कट झाला, आणि आठवणी पुन्हा मनात दाटल्या॥ 📞 तिचा फोन आला, दोघांचं बोलणं झालं, पण नशिबाच्या या खेळात, पुन्हा एक रिकामेपण राहलं… ©काव्यांकुर तो_मयुर सं. लवटे #Sad_Status #Love #Life #Nojoto #Poetry #kaavyankur #marathi