वळण जरी अजून जिंकलो नाही लक्षात घ्या मी थांबलो नाही उध्वस्त केले जरी मज साऱ्यांनी मी मुळापासून अजून संपलो नाही गुलाबी स्वप्न मार्ग विषारी काट्यांचा तुडवली वाट पण काट्यावर रुसलो नाही तितकेच जाणता तुम्ही जे वर वर पाहिले मी खरा आतून अजून फुललो नाही एकटे सोडून गेलात म्हणत 'सडू दे याला' ते मला खात गेले पण मी कुजलो नाही इथवर कसा आलो यावर तुम्ही हैराण रस्त्यातील कुटील डावात तसा फसलो नाही ही छोटी वादळे मज काय रोखणार आतून जळत आहे पण मी विझलो नाही ©सुरेश गोविंद पवार #वळण
