Urdu hai merā naam maiñ 'ḳhusro' kī pahelī Maiñ 'mīr' kī hamrāz huuñ 'ġhālib' kī sahelī Dakkan ke 'valī' ne mujhe godī meñ khelāyā Saudā ke qasīdoñ ne merā husn baḌhāyā Hai 'mīr' kī azmat ki mujhe chalnā sikhāyā Maiñ daaġh ke āñgan meñ khilī ban ke chamelī Urdu hai merā naam maiñ 'ḳhusro' kī pahelī 'Ghālib' ne bulandī kā safar mujh ko sikhāyā 'Hālī' ne muravvat kā sabaq yaad dilāyā 'Iqbāl' ne ā.īna-e-haq mujh ko dikhāyā Momin ' ne sajā.ī mire ḳhvāboñ kī havelī Urdu hai merā naam maiñ 'ḳhusro' kī pahelī ©Muhammad Gulrez #Iqbalashharpoetry