ಕಷ್ಟಗಳ ನಡುವೆಯೂ ಹಾರಬೇಕು, ಬೆಳಕನರಸಿ ಹಾರುವ ಕರೆಂಟು ಹುಳದಂತೆ. ಹಲ್ಲಿಯ ಬಾಯಿಗೆ ಸಿಗದೆ, ಫ್ಯಾನಿನ ಬಿರುಸಿಗೆ ಬರದೆ, ಚಾಚುವ ಕೈಗೂ ನಿಲುಕದೆ, ಹೊಳಪ ಮುತ್ತಿಕ್ಕಿಬಿಡಬೇಕು. ಮಿತಿವಿಲೋಪಿಸಿ ಯೋಚನೆಗಳ ನಿಲ್ಲಿಸಿ, ರೆಕ್ಕೆಯುದುರುವುದರೊಳಗೆ ಹಾರಿಬಿಡಬೇಕು ! ಕಷ್ಟಗಳ ತಿಳಿದಿದ್ದರೂ ಗೆದ್ದಲು ಹುಳ ಬೆಳಕಿನೆಡೆಗೆ ಹಾರುವುದಿಲ್ಲವೇ ? ರೆಕ್ಕೆಯಿದ್ದಾಗ ಹಾರಲು ಅಂಜಿ ರೆಕ್ಕೆ ಉದುರಿದ ನಂತರ ವಿಷಾದಪಟ್ಟರೆ ಏನು ಪ್ರಯೋಜನ ?!! ಇದೇ ಗುರಿಯೆಡೆಗೆ ಹಾರಲು ಸರಿಯಾದ ಸಮಯ. ತುಂಬಾ ಯೋಚಿಸದೆ ಸುಮ್ಮನೇ ರೆಕ್ಕೆಬಿಚ್ಚಿ ಹಾರಿಬಿಡಿ. #ಕರೆಂಟುಹುಳ #ಕನ್ನಡ #termite #achieve #yqkannada #yqjogi #kannada YourQuote Jogi