🌷नइहर🌷 बाबुल के सोन चिरैया, परदेशी लूटल जाय,

🌷नइहर🌷 बाबुल के सोन चिरैया, परदेशी लूटल जाय, पड़ते सेनुरवा बेटी के, नइहरवा छूटल जाय। छूट गईली सखी सहेली, सबके मनवा तरसे, छूट गईली माई बाबु, भईया के नयनवां बरसे। केहू ना करे सामना, सबके हिम्मत टूटल जाय, पड़ते सेनुरवा बेटी के, नइहरवा छूटल जाय। पूक्का फाड़ के रोवे, बहरी डेहरी पे ईया बाबा, कपसत रह गईली बेटी, देखी के बरहम बाबा। माई के मंदीरिया देखी, लोरवा ढरल जाय, पड़ते सेनुरवा बेटी के, नइहरवा छूटल जाय। नेहिया बेटी के अइसन, जग में ना समाला, जा ली बेटी नइहर से, सब सूनसान हो जाला। जेकरा कोखि धिया नाहीं, करम फूटल जाय, पड़ते सेनुरवा बेटी के, नइहरवा छूटल जाय। बाबुल के सोन चिरैया, परदेशी लूटल जाय, पड़ते सेनुरवा बेटी के, नइहरवा छूटल जाय। #काव्य_मेला #भोजपुरी_की_पाठशाला अनिल प्रसाद सिन्हा #नइहर_मधुकर #bestquotes5863 #yqdidi #yqbaba

🌷नइहर🌷 बाबुल के सोन चिरैया, परदेशी लूटल जाय,

Anil Prasad Sinha 'Madhukar'

#काव्य_मेला #भोजपुरी_की_पाठशाला अनिल प्रसाद सिन्हा #नइहर_मधुकर #bestquotes5863 #yqdidi #yqbaba