💕પિયર💕 પિયર નામ સાંભળતા જ આંખો સહેજ ભીની જરૂર થ

💕પિયર💕 પિયર નામ સાંભળતા જ આંખો સહેજ ભીની જરૂર થાય છે પણ રોમેરોમ પુલકિત થઇ જાય છે. પિયરનું નામ પડતાં જ ખુશીનો પાર નથી રહેતો અને અધરના ખૂણાઓ પહોળા જ રહી જાય છે. પિયર એટલે એવી જગ્યા કે, જ્યાં સ્ત્રી ક્યારેય કોઈ જાતનું બંધન અનુભવતી નથી, એ પિયર જ એક માત્ર એવી જગ્યા છે જ્યાં સ્ત્રી સ્વતંત્રપણે ઉઠવું, ઊંઘવું, હરવું, ફરવું, રહેવું, ખાવું, રોવું, હસવું, મોજ મસ્તી, ને ઘણું બધું કરી શકે છે. પિયર માંજ સ્ત્રી ખરેખર જીવંત બની જીવતી હોય છે, ખીલતી હોય છે, વિકસતી હોય છે અને સતત એની યાદમાં જ જીવે જતી હોય છે. પિયર માં કોઈ સ્ત્રી ને ક્યારેય પારકું કે એકલું લાગતું જ નથી. કેમ કે, સ્ત્રી પિયરની નિર્જીવ વસ્તુને ને પણ જીવની જેમ વ્હાલ કરતી હોય છે. પિયર નો એક એક ખૂણો સ્ત્રીના સપનાઓનો ખજાનો હોય છે, જ્યાં બેસી ક્યારેક એને એ સપના હસતાં મુખે સજાવ્યા હોય છે અને અંતે એ ત્યાં છોડી ને જ રડતી આંખે સાસરે વિદાય લે છે. પિયર નું મહત્વ માત્રને માત્ર એક સ્ત્રીનું હ્ર્દય જ સમજી શકે છે, અન્ય કોઈ હ્ર્દય એ સમજવા જ સક્ષમ નથી. પિયર ત્યાં સુધી જ પિયર બની રહે છે જ્યાં સુધી ત્યાં આપણને જનમ આપનારી "માં" અને વ્હાલ કરનાર "બાપ" હોય છે. પિયર એટલે માં નો ખોળો...😥 પિયર એટલે બાપ નો માથે ફરતો હાથ...😥 પિયર એટલે ભાઈ બહેન સાથેની બાળપણની યાદો...😥 પિયર એટલે એક સ્ત્રીનું મન જ્યાં શાતા પામે એ જગા...💕 પિયર એટલે બસ ચારે પહોર નિરાંત નિરાંત ને નિરાંત જ...🌹 #સીમરન મિસ્ત્રી "સાંઈ" @ગાંધીનગર😊

💕પિયર💕 પિયર નામ સાંભળતા જ આંખો સહેજ ભીની જરૂર થ

Simran Mistry

#સીમરન