फुलांचा गांव गांव हा फुलांचा होता काटे न मी पाहिले सज्जनांच्या संगतीला आयुष्य मी वाहिले .... सुख शांती होती तिथे अन माणसांना भावही माणसाच्या गावात होता रंक आणि राव ही .... नव्हती माहीत जात तिथे आणि धर्मही कोणता एक होता गाव शिव अन सगळ्यांचा पाणवठा ... जाणत्याचा आब अन नेनत्याचा राब होता चुकणाऱ्या पावलांना रोखणारा जाब होता .... निर्माल्य फ़ुलांचे व्हावे तशी कां झाली माणसे दर्वळणाऱ्या मातीस तिथे आज कां गंध नसे ... रीत नवी ही जगण्याची जाणीवही आली नवी माणसांना तोलण्याला इथे परिमाणेही नवी नवी ... माणसांच्या गर्दीत आज शोधतो मी गावास त्या नमतो मी माथा तिथे जन्मलो मातीत ज्या ... *********** शहाजीकुमार चंदनशिवे अकोला ता .सांगोला जि .सोलापूर ©Shahaji Chandanshive फुलांचा गांव