ਤੇਰੇ ਨਜ਼ਰੀਂ ਆਵੇ ਨਾ ਪਿਆਰ ਹਾਏ ਸਾਡਾ ਨੀ, ਅੱਧ ਵਿਚਾਲੇ ਧੋਖਾ ਕਰ ਗਿਆ ਕੁੜੇ ਰੱਬ ਵੀ ਡਾਢਾ ਨੀ। ਤੇਰਾ ਨਾ ਕਸੂਰ ਇਹ ਸੌਦੇ ਤਕਦੀਰਾਂ ਦੇ , ਝੂਠੇ ਵਾਅਦੇ ਹੁੰਦੇ ਹਾਏ ਨੀ ਸੋਹਣੀਆਂ ਹੀਰਾਂ ਦੇ। ਮੁੰਦੀਆਂ ਛੱਲੇ ਵੱਟਗੇ ਤੇਰੇ ਨਾਲ ਪਿਆਰਾਂ ਚ, ਰੰਗ ਦਿਖਾ ਗੲੀ ਟੁੱਟੀ ਯਾਰੀ ਦਿਨਾਂ ਗਿਆਰਾਂ ਚ। ਗੈਰਾਂ ਵਾਂਗ ਨਿਸਾਨੇ ਤੂੰ ਵੀ ਮਾਰੇ ਤੀਰਾਂ ਦੇ, ਝੂਠੇ ਵਾਅਦੇ ਹੁੰਦੇ ਹਾਏ ਨੀ ਸੋਹਣੀਆਂ ਹੀਰਾਂ ਦੇ। ਤੇਰੇ ਪਿੰਡ ਵੱਲ ਮੁੜਦੇ ਜਾਂਦੇ ਪੈਰ ਹਾਏ ਮੇਰੇ ਨੀ, ਹੱਸਕੇ ਸਹਿ ਗਏ ਬੱਲੀਏ ਕੀਤੇ ਵਾਰ ਹਾਏ ਤੇਰੇ ਨੀ। ਕਿੰਨੇ ਟੇਕੇ ਮੱਥੇ ਤੇਰੀਆਂ ਸੁੱਖਾਂ ਲਈ ਪੀਰਾਂ ਦੇ, ਝੂਠੇ ਵਾਅਦੇ ਹੁੰਦੇ ਹਾਏ ਨੀ ਸੋਹਣੀਆਂ ਹੀਰਾਂ ਦੇ। ਤੇਰਾ ਪਿਆਰ ਤਾਂ ਅੱਲੜੇ ਸਾਨੂੰ ਤੋੜਕੇ ਰੱਖ ਗਿਆ, ਤੇਰੀਆਂ ਮੰਗਾਂ ਪੂਰੀਆਂ ਕਰ ਕਰ ਅੰਮ੍ਰਿਤ ਥੱਕ ਗਿਆ। ਅੱਖੀਆਂ ਵਿੱਚੋਂ ਹੰਝੂ ਕੁੜੀਏ ਵਗਦੇ ਨੀਰਾਂ ਦੇ, ਝੂਠੇ ਵਾਅਦੇ ਹੁੰਦੇ ਹਾਏ ਨੀ ਸੋਹਣੀਆਂ ਹੀਰਾਂ ਦੇ। ਅੰਮ੍ਰਿਤ ਸਮਰਾਉ। sohnian heeran