तुझ्या माझ्या गं दुःखाची जात वेगळी गं बाई.. तुझ्या ओटीत चांदणे माझ्या निखारे गं सई.. तुझ्या पायी मखमल मऊ मऊ रेशमाची.. माझ्या पायी काटेकुटे माझी वाट गं उन्हाची.. तुझे दुःख मखमली त्याला फुंकरीचे गाणे.. माझे दुःख काळजात त्याचे अश्रूंत भिजणे. तुझ्या वेगळ्या जाणीवा त्याला झालर सोनेरी.. माझ्या जाणीवांची बयो सय डोळ्यात उन्हेरी.. तुझ्या दुःखाच्या सोबत गार फुंकरीचा वारा.. माझ्या सोबतीला सये संग उन्हाचाच सारा.. हसरे दुःख
