°शरदाची पौर्णिमा° शरदाची पौर्णिमा तेज रुपेरी सांडताहे भूवरी नभातूनी दशदिशांना ओसांडूनी शरदाची पौर्णिमा ॥ १ ॥ मंद धुंद ती हवा लेवूनी गंध गारवा तनु रोमांची बोचरा फुलवित निलाजरा शरदाची पौर्णिमा ॥ २ ॥ ना धुक्याचे सावट ना गर्द मेघ नभात ना ही ती ओलेती रात टिपूर चांदणं पित शरदाची पौर्णिमा ॥ ३ ॥ तारकांची रांगोळी खूणविताहे समीप दुर दुर क्षितिजावरी शुभ्र निल नभांतरी शरदाची पौर्णिमा ॥ ४ ॥ डोल डोल डोलताहे रातराणी वल्लरी होऊनिया बावरी ती निशब्द लाजरी शरदाची पौर्णिमा ॥ ५ ॥ चिंब चिंब प्रतिबिंब चंद्रही डोकावतो स्मानी सागरातूनी लहरी लहरीतूनी शरदाची पौर्णिमा ॥ ६ ॥ ✍🏻© •देवानंद जाधव• jdevad@gmail.com 9892800137 ©Devanand Jadhav कोजागिरी पौर्णिमा #fullmoon
