तो राबतो दिवसभर अन जो जळतो अहोरात्र जो जळून स्वतः, सदा कुटुंबावर धरतो छायाछत्र तो उन्हामधली एक सुखावणारी सावली आहे जो लेकरांची अवघ्या एक विठू माउली आहे तो बाप आहे..!● तो अन्न तो वस्र आणि तोच निवारा आहे जो आदी-अनंत अखंड असा सहारा आहे तो इतरांसाठी स्वतःसतत जळणारा, एक पहाडी दिवा आहे जो विस्तवावर चालणारा, अन लेकरांसाठीचा गारवा आहे. तो बाप आहे..!● तो धरतीसमान आईसाठीही, आधार अन आभाळ आहे जो स्वप्नांसाठी वास्तवाशी झुंजणारी, संघर्षाची नाळ आहे तो निराकार ईश्वराला दिलेली सर्वांत पहिली हाक आहे. जो परिवारातील सर्व पापण्यांची उघड आणि झाप आहे. तो बाप आहे..!● तो असे अन्नदाता, तोच जन्मदाता, जो पृथ्वीवरला देव.. तो आनंदाची ठेव..आहे ●-बाप आहे तो.....! तो,....-"बाप" आहे● ©-#शिवा पाटील तो बाप आहे...!