मारतो मी फाट्यावर…… मारतो मी फाट्यावर, त्या सर्व आधुनिक प्रथांना,परंपरांना, ज्या करतायेत मनांमध्ये विषमतेच्या उंच आणि अभेद्य भिंती । मारतो मी फाट्यावर ,त्या आधुनिक बुरसट विचारांना, जे माजवतायेत अशांती ,शांत अशा समाजात । मारतो मी फाट्यावर, त्या स्वयंघोषित विचारवंतांना, पसरवतायेत विष जे निरोगी समाजाच्या नसानसांत । मारतो मी फाट्यावर, त्या धर्ममार्तंडांच्या अधर्मी धर्माला, शिकवतो जो स्थापना धर्माची, इतरांच्या कलेवरांवर । मारतो मी फाट्यावर, आजच्या लबाड राजकारणाला, ज्याचे असते एकच कारण, सत्ता आणि “स्व”अर्थकारण । -शिवकुमार मारतो मी फाट्यावर...
