પહેલાં સંવાદ,ચર્ચા, અને પછી દલીલ થાય છે. કંઈ ખબર ના હોય વાતની અને વકીલ થાય છે. નીકળ્યું છે એક ટોળું સમાજ સેવા માટે એમાં, મેંઢો મહેમાન' ને સાચો માણસ જલીલ થાય છે. કરે એ કામ નાનું અને બતાવે બધે એ નામ મોટું, સ્વાર્થ કાજે સમાજ સેવા એવું મને ફિલ થાય છે. હતી જરૂર બધાયની ત્યારે એકલો જ હતો એ, લૂંટી ગયાં પછી એને,મદદ માટે મહેફિલ થાય છે. એકજુથ કંઈ રીતે થવું એ કાંકરા પાસેથી શીખો, એક એક ભેગાં મળે છે પછી જ સાહિલ થાય છે. - રાહુલ, વણોદ #થાય છે
