White #आद्यस्वरूपात श्रीगणेशा...... शब्दवेडा किशोर आद्य स्वरूपात श्रीगणेशा तू आमच्या हृदयात विराजतो आमची सारी दुःख कष्ट तू हरतो सहज मज मनी आलं देवा तुझ्या जन्माचा एक आगळावेगळा प्रवास मी बघावा शाडूच्या मातीचा गोळा ते एक सुबक मूर्तीपर्यंतच्या तुझ्या जन्मस्वरूपाच्या प्रवासाचा आलेख मनी जपावा म्हणून मग मनी ध्यास तुझी मूर्ती कशी घडते ते बघण्याचा लागला अन् लागलीच मी रायगड प्रांताच्या पेण या गावी आपसुकपणे स्वतःच्या जीवाचा रथ आणला इथ आल्यावर मज समजलं की पूर्ण पेणमध्ये घराघरात तू नेहमीच नव्या स्वरूपात रोजच नवा जन्म घेतोस घेऊनी नवा जन्म भक्तांची कष्ट हरण्या तू रोजच नव्यानं सजून गणेशचतुर्थीच्या वेळेची वाट बघत हरघरात सदासर्वकाळ वास्तव्यास असतोस इथला हर एक कलाकार जेव्हा तुझी मूर्ती घडवण्या शाडूची ती माती हाती मनोभावे घेतो माझ्या मते तरी देवा तुझ्या सुंदरतेचा आलेख तेव्हाच आकारला जातो हाती मातीचा गोळा घेऊन साच्यात भरताना व मूर्ती बाहेर काढून ती पूर्ण बारकाईने फुलवताना इथल्या हर एक कलाकाराच्या नजरेत देवातेव्हा तर एक वेगळाच भाव असतो मला वाटतं देवा तूच तुझा नवा घेण्या त्या प्रत्येक कलाकारांच्या हातात रोजच हर मिनिटाला नव्यानं संचारतो माहिती असतं देवा की तुझं हे स्वरूप एक दिवस पाण्यात अंतर्धान पावणार पण तरीही पूर्ण श्रद्धेने इथला प्रत्येक कलाकार मनोभावे तुला घडवत असतो माझ्या मते देवा हर घडी हरेक क्षणाला एक नवं बळ या सर्व कलाकारांना देऊन आमचे कष्ट हरण्या या कलाकारांच्या हातून रोजच नव्या स्वरूपात जन्म घेतो आद्यस्वरूपात गणेशा तू आमच्या हृदयात विराजतो आमची सारी दुःख कष्ट तू हरतो ©शब्दवेडा किशोर #माझा_देव
