सुगी सराईचं दिस नाही इसावा पायाला माय माळ तुडविते चार मोत्याच्या दाण्याला.. भर उन्हाचा काहूर भिजं घामानं पदर आग पोटात पेटली चिल्या-पिल्याचा इचार... धाटं-धाटं जमवूनी भारा जोंधळ्याचा डोई लयी तापली ढेकळं भार संसाराचा वाही... काट्या-कुट्यात चालता देह -मनाला जखमां* *घाली फुंकर स्वतःच चिंधी बांधते त्या कर्मा* ... अंग मोडूनियां काम नाही घडीचा आराम* वात तीळ तीळ जळे दिव्यासंग ज्योत ठाम...* *घोट पिऊनिया पाणी दूर सारते भुकेला* शिळ्या तुकड्या संगती पचविते नशिबाला...* सांज ढळता-ढळता रास सरली-सरली* ऊत आला तुझ्या दारी झोळी अर्धी भरली...* मोती झोळीत की डोळा दोन्ही नाहीत येगळा* * घास भरविते माय सारा अमृत सोहळा...* ©Shankar kamble #सुगीचे #रास #शेतकरी #🎑शेती #शेती #SunSet
