Nojoto: Largest Storytelling Platform
Download Nojoto

Install App Get upto ₹ 100 Cash

eknathdhanke2131
  • 59Stories
  • 11Followers
  • 631Love
    237Views

Eknath Dhanke

  • Popular
  • Latest
  • Video
861cd10d6a6fcf75cab5e60c8c0b2ff5

Eknath Dhanke

White एक थरथरते शिडी अन् वेगळा पडतो असर कोण ढासळतो, कुणाची मात्र गच्चीवर नजर आजही सगळे सुरू आहे जसे होते तसे राहिल्या ना फक्त पहिल्या सारख्या इच्छा जबर व्हायचे तादात्म्य इतके की मिटावी नग्नता शेवटी होवोत अपुले देह उघडे फार तर कोणत्या निद्रेत दुनिये पहुडली आहेस तू काय ह्याचे मी करू, कोणास देऊ हा बहर शेवटी आलीच बागेवर नको ती आपदा फुल बहरले नेमके अन् आंधळा झाला भ्रमर याहुनी काहीच नाथा वेगळे नाही पुढे तेच ते आता नव्याने उलगडत जातील थर . . (काय वर्णावी घराने ह्या कलेची थोरवी लावला आहे चुना पण वाटतो संगमरवर ) एकनाथ ©Eknath Dhanke #alone_quotes

#alone_quotes #मराठीशायरी

861cd10d6a6fcf75cab5e60c8c0b2ff5

Eknath Dhanke

White आत्ताच नका टाकू माझ्या गळ्यात माला अजून माझा शेवटचा टवका न उडाला कोणी म्हणतो आले तर येऊ द्या खाली कोणी म्हणतो टेकू लावा आकाशाला एकनाथ ©Eknath Dhanke #Emotional_Shayari

#Emotional_Shayari #मराठीशायरी

861cd10d6a6fcf75cab5e60c8c0b2ff5

Eknath Dhanke

White एकेका योद्ध्याची जागा खाली करतो आहे मी ही कुठल्या युद्धाची तय्यारी करतो आहे लढतो लढतो म्हणता म्हणता पळून गेला राजा प्यादा आता विजयाची चाचपणी करतो आहे यामुळे तरी संपतील का माझ्या साऱ्या इच्छा मी रोज नव्या उपभोगांची तृप्ती करतो आहे युगायुगांच्या भटकंतीने थकला आहे बहुधा माझा आत्मा नुसता शांती शांती करतो आहे अज्ञाताच्या अंशाचे होईल ज्यातुनी दर्शन त्या मूर्तीसाठी ही फोडाफोडी करतो आहे हात चलाखीला भुलते आहे दुनिया नाथा अन् चमत्कार दाखविण्याच्या तू गोष्टी करतो आहे एकनाथ ©Eknath Dhanke #Romantic

#Romantic #मराठीशायरी

861cd10d6a6fcf75cab5e60c8c0b2ff5

Eknath Dhanke

White ह्या खडतर पण अद्भुत स्वप्नाचा प्रवास आहे हा क्षितिजाला चिमटीत पकडण्याचा प्रवास आहे हा असेच आधी अवतीभवती धूसर धूसर दिसते हळू हळू रस्ता प्रकाशण्याचा प्रवास आहे हा एक संपतो तर लगेच पुढचा खुणावतो रस्ता रस्त्याने रस्ता उलगडण्याचा प्रवास आहे हा माझी सोबत जी काही होती ती इथवर होती इथून पुढचा तुझ्या एकट्याचा प्रवास आहे हा कसे पोहचू कधी पोहचू माहित नाही नाथा अनवट वाटांवर अज्ञाताचा प्रवास आहे हा (नंतर पुढचे आणि मागचे काहीच दिसत नाही ठायी ठायी वळणा वळणाचा प्रवास आहे हा) एकनाथ ©Eknath Dhanke #Night

#Night #मराठीशायरी

861cd10d6a6fcf75cab5e60c8c0b2ff5

Eknath Dhanke

Beautiful Moon Night तुला वाटले की अंगावर आली आहे सरळ चालते ती, तुझी नजर तिरकी आहे तो खुश आहे, जो लाटांवर स्वारी करतो तो घाबरतो, ज्याची नौका फुटकी आहे अशा तऱ्हेने दुःखांना वागवले मी की आता दुःखांनीच घेतली धास्ती आहे दबकत दबकत हळूच घुसतो येथे आम्ही तुझे काय बाबा, तुझी इथे चलती आहे.. प्रत्येकाला सावरायला पाहतोस तू तुला वाटते की सगळ्यांना चढली आहे तुझ्या जवळ येतोय जरी टप्प्या टप्प्याने भेट आपली होणारच जी ठरली आहे तो सध्या डोळे वटारतो आहे नुसता काळाचे धमकावणे अजुन बाकी आहे त्याच्याही पायावर माथा टेकवा कुणी त्याने तर अनवाणी वारी केली आहे एकनाथ ©Eknath Dhanke #beautifulmoon

#beautifulmoon #मराठीशायरी

861cd10d6a6fcf75cab5e60c8c0b2ff5

Eknath Dhanke

White सोडू शकतो शंकर त्याच्या सगळ्या चिंता कधीतरी विष पचवावे लागणार आहे दुनियेला कधीतरी उंच एवढी उगाच का झालीत दऱ्यांनो शिखरे ही खोदून तुम्ही दिली असावी माती यांना कधीतरी पाहून तुला ज्यांच्या नजरेचे सार्थक नाही झाले होणार घोर पस्तावा त्यांच्या डोळ्यांना कधीतरी नंतर नंतर तिथे आपला श्वास नेमका गुदमरतो जिथे सोडतो आपण सुटकेचा सुस्कारा कधीतरी ह्या आशेने मी दुनियेच्या दुःखावर कविता करतो दुनियाही माझ्या दुःखावर करेल कविता कधीतरी शक्यच नाही माझे तेथे स्वतःहून पोचणे कधी तूच मला सोबत ने गाभाऱ्यात विठोबा कधीतरी पुन्हापुन्हा ह्या विश्वासावर फिरतोय मुलुख जन्मांचा लांघणार देहाच्या सीमा माझा आत्मा कधीतरी एकनाथ ©Eknath Dhanke #nightthoughts

#nightthoughts #मराठीशायरी

861cd10d6a6fcf75cab5e60c8c0b2ff5

Eknath Dhanke

कोणती अशी ही कसोटीची रीत संकल्प मिठीत आटवले एवढ्याने मात्र एक झाली गोची शरीरावरची इच्छा मेली बरी झाली आत्म्या जन्माची भ्रमंती झाल्या भेटीगाठी आप्तेष्टांच्या ज्याच्यातून इथे निसटाया आलो त्यातच पावलो अंतर्धान एकनाथ ©Eknath Dhanke #traintrack

#traintrack #मराठीकविता

861cd10d6a6fcf75cab5e60c8c0b2ff5

Eknath Dhanke

उघडा उघडा मोहाचे कोठार कैवल्याचा भार पेलवेना खुणावतो देह बावरतो जीव आत्म्याची कणव येते पुन्हा आता कशाला मी करू जप तप तुझे एक रूप आठवेना लागलाच नाही शोध अज्ञाताचा पत्ताही स्वतःचा विसरलो आपल्याच साठी झुरायचे मग आपलेच जग येता जाता . . . ©Eknath Dhanke #traintrack

#traintrack #मराठीकविता

861cd10d6a6fcf75cab5e60c8c0b2ff5

Eknath Dhanke

एकच असू शकते गुपित जागेपणाचे झाले न अजुनी स्वप्न इथल्या वास्तवाचे लाजळुच्या पाना सहन कर स्पर्श थोडा चल आज मिटवू दे तुझे भय जंगलाचे तू आज ज्या ह्या मारतो आहेस डुबक्या बक्षीस आहे का तळे सांभाळण्याचे? राबायला ये सोहळा समजून घरचा रुसणे बरे नाही जवळच्या माणसाचे इतकेच आयुष्यामधे कर्तृत्व माझे मी जॉब केला, फेडले हफ्ते घराचे दुनियाच झाली एवढी रंगीन ही की दुःखच निरर्थक वाटते डागाळल्याचे . . . . जीवंत तात्पुरती पुन्हा झालीत नाती कारण पुन्हा ठरले मरण नात्यातल्याचे जावे कुठे मग गावकडच्या कावळ्याने चिमणीस जर अप्रूप शहरी कबुतराचे एकनाथ ©Eknath Dhanke #Anger

#Anger #मराठीशायरी

861cd10d6a6fcf75cab5e60c8c0b2ff5

Eknath Dhanke

उघडा उघडा मोहाचे कोठार कैवल्याचा भार पेलवेना खुणावतो देह बावरतो जीव आत्म्याची कणव येते पुन्हा आता कशाला मी करू जप तप तुझे एक रूप आठवेना लागलाच नाही शोध अज्ञाताचा पत्ताही स्वतःचा विसरलो आपल्याच साठी झुरायचे मग आपलेच जग येता जाता कोणती अशी ही कसोटीची रीत संकल्प मिठीत आटवले एवढ्याने मात्र एक झाली गोची शरीरावरची इच्छा मेली बरी झाली आत्म्या जन्माची भ्रमंती झाल्या भेटीगाठी आप्तेष्टांच्या ज्याच्यातून इथे निसटाया आलो त्यातच पावलो अंतर्धान एकनाथ ©Eknath Dhanke #Preying

#Preying #मराठीकविता

loader
Home
Explore
Events
Notification
Profile