Nojoto: Largest Storytelling Platform
Download Nojoto

Install App Get upto ₹ 100 Cash

पसाराच सारा... (महानाग / ४०/लगागा /८) बियाणे रु

पसाराच सारा... (महानाग / ४०/लगागा /८) बियाणे रुजावे बियाणे कुजावे परत सांधणीचा पसाराच सारा ! अता राहिली ना कृषी फायद्याची भिके लागणीचा पसाराच सारा ! तणाला किती जोर आला पहा रे पिकाला जणू सर्प विळखा पडावा डवरणी-खुरपणी विळे पास शोधा गवत काढण्याचा पसाराच सारा ! कधी दावणीला कधी सावलीला गुरा वासराना सदा घट्ट बांधा गवत-पेंड चारा दुधाच्या म्हशीला गुरे राखणीचा पसाराच सारा ! चला रातच्याला जरा जागण्याला मळ्यावर बसा अन् पुरे लक्ष ठेवा गवे-रानगाई नि हरणे पिटाळा फुका जागलीचा पसाराच सारा ! अवेळी तडाखा कधी पावसाचा उधळतो सुगीचा कसा बेत सारा झणी गंजलेले विळे धार लावा पिके कापणीचा पसाराच सारा ! किती कर्ज झाले किती व्याज गेले खुळे स्वप्न माझे तडीपार झाले लिहावी पुसावी उधारी कितीदा उगी लेखणीचा पसाराच सारा ! मुजवली खते अन् फवारे किती ते खरीपास फटका कधी फोल रब्बी तयारीस लागा वखर चालवा रे पुन्हा पेरणीचा पसाराच सारा ! सतीश देशमुख शेंबाळपिंप्री, ता. पुसद जि. यवतमाळ ©Satish Deshmukh psara पसार 2 #simplicity
satishdeshmukh1541

Satish Deshmukh

New Creator

psara पसार 2 #simplicity #मराठीकविता

108 Views