ओंजळभर पाणी एक वेळची तहान भागवतं ओंजळभर स्वप्न पाहून मनही आयुष्य जगतं ओंजळीनेच अर्घ्य सूर्यालाही मिळतं ओंजळभरून सुख मन देवाजवळ मागतं ओंजळभर प्राजक्ताने मन सुगंधित होतं ओंजळ सैलावली की सुख निसटू लागतं भरल्या ओंजळीने मन कसं अगदी सुखवतं रीत्या ओंजळीत कोणाचं तरी दुःख सामावतं रित्या ओंजळीत जे भरली ओंजळ रिती करतं तेच मन भरल्या ओंजळीसारखं नेहमी सुखानं फुलतं.... भरल्या ओंजळीसारखं नेहमी सुखानं फुलतं.... © उमा जोशी ०७/१०/२०२० ©उमाच्या मनातलं #ओंजळ