Nojoto: Largest Storytelling Platform
Download Nojoto

Install App Get upto ₹ 100 Cash

nojotouser9335838888
  • 143Stories
  • 7Followers
  • 1.2KLove
    495Views

उमा जोशी

  • Popular
  • Latest
  • Video
406ee6337cba0c75eabd47a18f5fb3f6

उमा जोशी

काळ झाला खूप त्याला खूप वर्षेही उलटली भूतकाळातील त्या मग ही पिढी घटना विसरली शोध घेताना कळाले राहिले मागेच काही ना कुणीही शोधले ते त्यात माझा दोष नाही घात झाला रेष जेव्हा पार केली जानकीने सत्त्व रक्षण खुद्द केले घेत काडी मैथिलीने रावणाचा वध करूनी राम झाला विश्वविजयी त्यागिले सीतेस हा पण काय त्याचा दोष नाही? हारला भावांस साऱ्या डाव लावी धर्मराजा द्रौपदीही हारला दुर्योधनाला माज आला याज्ञसेनी बोल लावी पांडवांची हार झाली चूक दाखविली तिने तर त्यात काही दोष नाही! पाहिले ना दैन्य कोठे राजवाडा हीच व्याप्ती भोगले ना दुःख काही रोगराई दूर होती एक दिवशी सामना पण दुःखदैन्याचाच झाला मुक्त होण्या बुद्ध झाला तो तयाचा दोष नाही! --- २९/०३/२०२४ ©उमा जोशी #Hope #दोष

#Hope #दोष #Life

13 Love

406ee6337cba0c75eabd47a18f5fb3f6

उमा जोशी

तो राबराबतो शेतामध्ये फार अन पर्जन्याचा त्याच्यावरती वार बीज पेरलेले वाया जाते सारे पण गडी कधीही मानत नाही हार थांबून राहणे माहित नाही त्याला अविश्रांत मेहनत आलेली नशिबाला रोवून घट्ट तो पाय उभा मातीत कामास सज्ज जोडून बैलजोडीला  राबतात त्याच्या कुटुंबातले सारे झेलतात सगळे अंगावरती वारे  थकतो जीव तरी थांबत नाही कोणी डोळ्यांमधुनी वाहतेच पाणी खारे भाव मिळत नाही इतके करून त्याला तो सर्व धान्य विकतो कवडीमोलाला धूळधाण उडते मग स्वप्नांची त्याच्या   कष्टाने तो सावरतो आवेगाला सगळ्या पृथ्वीचा तो असे अन्नदाता पण क्षुल्लक किंमत येते त्याच्या हाता हे चित्र बदलणे गरजेचे आहे ना? एवढा करा की विचार जाता जाता --- ३१/०७/२०२३ ©उमा जोशी #शेतकरी

#शेतकरी #Poetry

10 Love

406ee6337cba0c75eabd47a18f5fb3f6

उमा जोशी

सरस्वती तू भगवति अंबे दुर्गा भवानि आई गं भक्तांच्या रक्षणास सत्वर धावत येसी आई गं ।।धृ।। नटून थटून नेसून साड्या देवळात त्या जाती गं कुंकू वेणी गुलाब अत्तर पूजेसाठी घेती गं खण अन नारळ घेउन ओटी भरते हरेक बाई गं भक्तांच्या रक्षणास सत्वर धावत येसी आई गं ।।१।। नवरात्रीला भजन आरत्या नऊ दिवस अन राती गं भोंडल्या सवे गरबा रंगे तुझिया सेवेसाठी गं तुझ्या दर्शने सगळा थकवा पळून माझा जाई गं भक्तांच्या रक्षणास सत्वर धावत येसी आई गं ।।२।। कलियुगामध्ये ठायी ठायी असूर दानव दिसती गं प्रत्येकीला करण्या रक्षण सत्वाचे दे शक्ती गं तुझ्या कृपेने अवघे संकट रसातळाला जाई गं भक्तांच्या रक्षणास सत्वर धावत येसी आई गं ।।३।। अखंड महिमा मुखी जगाच्या अंबे गाजत राही गं त्रिदेवसुद्धा तुझी जगाला सांगत असती महती गं कृपाप्रसादे सर्व जगाला सुखी ठेव तू बाई गं भक्तांच्या रक्षणास सत्वर धावत येसी आई गं ।।४।। ---१८/१०/२०२३ @१२:१५ ©उमा जोशी #navratri #धावा #हरिभगिनी

#navratri #धावा #हरिभगिनी #Poetry

12 Love

406ee6337cba0c75eabd47a18f5fb3f6

उमा जोशी

रोज सकाळी तुझी आठवण येते आई निघून जाण्याची अंमळ तू केली घाई सहवास तुझा अजून वाटे हवाहवासा तुझ्या विना गे एकाकी मी पडले बाई सुखदुःखाच्या सगळ्या गोष्टी तुला सांगणे निरागस जणू होते माझे असे वागणे मला आवडे ऐकण्यातली एकतानता आणि तल्लीन सांगण्यातले माझे होणे उत्तर नव्हते तुझ्याकडे सगळ्या प्रश्नांचे तरी कधी ना टाळलेस तू ऐकायाचे सांगून तुला सारे काही मी निश्चीन्त हलके हलके संवादातुन वाटायाचे आज पुन्हा उद्विग्न असे मन पण तू नाही मी एकाकी सोबत माझ्या कोणी नाही सांगशील तू काय? आठवत बसले आहे अनेक मिळती पर्याय मला पण सुचे न काही किती सावरू तरी नावरे मनातले कढ ठरे भावना इथे बये बुद्धीच्या वरचढ क्षणाक्षणाला प्रसंग मोठे उभे ठाकती तुला स्मरूनी चालत आहे वाटा अवघड ©उमा जोशी #navratri #आई #अनलज्वाला

#navratri #आई #अनलज्वाला #Poetry

11 Love

406ee6337cba0c75eabd47a18f5fb3f6

उमा जोशी

आजही जिथे स्त्री सुरक्षित नाही तिथे कसं म्हणावं "समाज प्रगत आहे" पदोपदी अवहेलना झेलत लढत ती जगतेय आजही तिच्या वस्त्राला हात घालण्यात पुरुषार्थ वाटतोय बाई तुलाच व्हावे लागेल सज्ज आता कलियुगात कुठला राम आणि कुठला कृष्ण वर्चस्व दाखविण्यासाठी दुसऱ्यावर खच्चीकरण मात्र त्यांच्या स्त्रीचे का? बांगड्या भरल्यात का हातात? लढा स्वतःच्या योग्यतेच्या जथ्यासोबत पण नाही, तुम्ही फक्त स्त्रीलाच नागवणार का? तर ती सहन करेल, रडेल, भेकेल आणि मग गप्प बसेल तिच्या समाजावर आपला वचक बसेल तद्दन असुरी वृत्तीने वागणार अजूनही तुम्ही आपली छाती ठोकून करणार पुकारा आपल्या नपुंसक विजयाचा अजूनही कोपऱ्यात कुठेतरी कोणीतरी असेल आसवे गाळत बसलेली तिच्यावरच्या अन्यायाला फुटणाऱ्या वाचेची वाट बघत पण त्याने कोणाचा काय फायदा यावर ती वाचा फुटेल की नाही हे ठरणार आहे बये तूच हो समर्थ आता, स्वतःच्या रक्षणाला नको बघू वाट कोण्या रामाची किंवा कोण्या कृष्णाची तूच बन तुझी कृष्ण आणि तूच बांध दुसरीच्या जखमेवर चिंध ©उमा जोशी #स्त्री

#स्त्री #Life

9 Love

406ee6337cba0c75eabd47a18f5fb3f6

उमा जोशी

सुखामागुनी पळती सारे आणिक भुलती ऐश्वर्याला माणुसपण परि जीव सोडते जगात येथे क्षणाक्षणाला ।। तारुण्याची असते झापड दाट गुलाबी डोळ्यांवरती वयाबियाचा हिशेब नसतो उद्धट वाणी ओठांवरती सरून जाते जिथे तरुणपण तिथे तयाचा माज कशाला माणुसपण परि जीव सोडते जगात येथे क्षणाक्षणाला ।। वेळच नसतो बोलायाला खेळायाला मुलांसंगती अडकुन बसले सगळे जगणे घड्याळ्यातल्या काट्यांभवती वृद्ध बाप अन आई बघते वाट मुलाशी बोलायाला माणुसपण परि जीव सोडते जगात येथे क्षणाक्षणाला ।। निघून जाती क्षण सौख्याचे मुठीतल्या त्या वाळुसारखे होतो आपण आपल्याच मग मुलालेकरांनाही परके एकांताची शिक्षा भोगत बोल लावतो का नशिबाला माणुसपण परि जीव सोडते जगात येथे क्षणाक्षणाला ।। बघता बघता सरतो अवघा अपुल्या आयुष्याचा खेळ आईबाबा मुले बायको कधी कुणा ना दिधला वेळ संध्यासमयी आयुष्याच्या मनात सलतो घाव एकला माणुसपण परि ओळखले मी जीवन सरणाऱ्याच क्षणाला।। -- १८/०७/२०२३ @ २२:५० ©उमा जोशी #माणुसपण

#माणुसपण #Life

10 Love

406ee6337cba0c75eabd47a18f5fb3f6

उमा जोशी

तरुणाई मोठी धीट भुलणार नाही आता मतदार झाला सज्ज दाखवील "त्यांना" जागा खोट्या वचनांची गाडी चालणार आता नाही श्राद्ध घालतील जर बाप दाखविला नाही तंत्रज्ञान ज्यांच्या हाती करतील सारे त्रागा मतदार झाला सज्ज दाखवील "त्यांना" जागा किती रेटणार तुम्ही स्वप्ने प्रगतीची खोटी पूर्ण करण्याला स्वप्ने इच्छा पडते का थोटी? पूर्ण करुनी वचने मग नक्की मते मागा मतदार झाला सज्ज दाखवील "त्यांना" जागा नाही साऱ्यांना मिळत अन्न वस्त्र निवाराही भूक दैन्य साचलेले घराघरातून राही काम देऊन हातांना विचारांची गाथा सांगा मतदार झाला सज्ज दाखवील "त्यांना" जागा कोणतीही असो पार्टी कोणताही असो पक्ष व्हावा विकास देशाचा हेच असो त्यांचे लक्ष्य देशभरात वाहू दे विकासाची चंद्रभागा सज्ज मतदार मग देई सिंहासनी जागा २६/ ०६/ २०२३ @१३:०० ©उमा जोशी #मतदार

#मतदार #Poetry

15 Love

406ee6337cba0c75eabd47a18f5fb3f6

उमा जोशी

निजलेल्या देहावरती उबदार घातली चादर आईची दृष्टी निश्चल अश्रूंचा नयनी सागर सांत्वनास कोणी येती ती दिसता जाती गोठुन ती मूक उसासे घेई तोंडास पदर लावून विश्वास तिला ना आता दैवाचा वाटे काही म्हातारपणाची काठी दुसरी उरली ना काही सोडून मला का गेला अवचित घाईने पुढती राहिला पसारा मागे डोक्यात वादळे उडती वय काय असे जाण्याचे बसली जोडाया मेळ ताळा नाही तो जमला संपला घडीचा खेळ पोकळ सगळे ते शब्द पोकळ सारी ती वचने मुलगा आधी गेलेल्या आईचे निष्फळ जगणे १५/०६/२०२३ @१६|४० ©उमा जोशी #निष्फळ_जगणे #आई #उद्धव_वृत्त

#निष्फळ_जगणे #आई #उद्धव_वृत्त #Poetry

14 Love

406ee6337cba0c75eabd47a18f5fb3f6

उमा जोशी

सोडून ती घराला माझ्या कशास गेली वाटेत भेटण्याची संपून आस गेली कोठे तिला किनारा गवसून राहिलेला ठेवून आठवांचे कढ ती निघून गेली आता परी तिला मी आवाज देत नाही आता परी मला ती समजून घेत नाही वाटे मनास माझ्या काहीच ते कळेना ओलांडले जिथे मी दुःखास पार नाही निर्धार हाच केला तोडून बंध द्यावे सोडून सर्व काही रानोवनी फिरावे पण एकवार पुन्हा बघताच मी वळूनी सारे मनातले ते उधळून बेत जावे आशा मनी परंतू जागे पुन्हा नव्याने येईल परतुनी का बिलगेल ती सुखाने स्वप्नात दंग होतो अन आठवात गुंग मारेल हाक राजा ती गोडशा स्वराने माझ्या मनात घाली रुंजी तिच्या स्वरांची पूर्वीच साचलेल्या साऱ्याच आठवांची गेले विखरुन सारे जाता निघोनिया ती आता कशी करू मी जुळणी नव्या घराची २२/०५/२०२३ @१९:३८ ©उमा जोशी #विरह #आनंदकंद

#विरह #आनंदकंद #Life

11 Love

406ee6337cba0c75eabd47a18f5fb3f6

उमा जोशी

बाजार संपला सारा कोलाहल झाला शांत घे आवरुन पसारा तू बघ समीप आला अंत जगण्याची ओढाताण केलीस आजवर फार परि अंतिम क्षणास नाही गडबड जाण्याची फार मिळतील तुला जितके ते ओढून श्वास घे पुढचे एकदा इथुन गेल्यावर ना येथे परतायाचे त्या जगात वरती होतो ताळा अपुल्या कर्मांचा जोडून पुण्य पदराला तू फोड घडा पापांचा देवास विनवुनी सांग हा जन्म असो शेवटचा बा तूच दाखवी आता तो मार्ग मला मोक्षाचा ऐकून विनवणी असली प्रिय देवाला होशील फेरा सरेल जन्माचा अन तुला मुक्ति लाभेल २०/०४/२०२३ @ २३:३१ ©उमा जोशी #मुक्ती #उद्धव_वृत्त

#मुक्ती #उद्धव_वृत्त #Life

14 Love

loader
Home
Explore
Events
Notification
Profile