चांदणं माळल्या स्वप्नांना तारे नव्याने भेटू लागले गच्च भरल्या डोळ्यांना ओस किनारे सतावत होते एक जीव साता वेशीपलीकडला कितीक विषारी भासला तरी न येणारे फोन आपुलकीचे आज अवेळीही वाजू लागले प्रदूषणालाही अप्रूप वाटुनी हवेने मोकळे श्वास घेतले एकाच छताखाली दुरावलेले चेहरे पंगतीत बसू लागले कधी न जाणवलेले 'ती'चे दु:ख फार जवळून पाहू लागले चांदणं माळल्या स्वप्नांना तारे नव्याने भेटू लागले .....काव्या #आम्ही मुक्तछंदी
