सदा धावते का ?..... (भुजंगप्रयात/२०/लगागा/४) उदासीन सखये अशी वागते का ? वसंतातला हा बहर टाळते का ? तुझी ही नजर जीव घायाळ करते अशी हासण्याने जिवे मारते का ? तुला दृष्ट लागेल नक्कीच सखये धवल मोगर्याची फुले माळते का ? सखे काळजाचे चुकावेत ठोके तुझे रूप मजला उगी भावते का ? कळ्या कुंद ओल्या सुगंधी फुलांच्या दिठी पापण्यांचे सुमन लाजते का ? तुझ्या पैंजणानी तृणे मुग्ध झाली सहज बोलता बासरी वाजते का ? मुलायम किती हे तुझे पाय सखये तरी लगबगीने सदा धावते का ? सतीश देशमुख शेंबाळपिंप्री ता. पुसद जि. यवतमाळ ©Satish Deshmukh सदा धावते का #feellove