◽ৰাগীয়াল নিশাৰ কথন ◽ হালধীয়া জোনৰ ৰূপোৱালি চাদৰত বুতা বছা ফুট ফুট তৰাৰ জিলিকণিৰ আঁৰত মেঘালীৰ লুকাভাকু। আকাশ চাবলৈ অৱসৰ নোপোৱা দুচকুয়ে তভক মাৰে নিশাৰ মাদকতাত। ৰজনীগন্ধাৰ সুবাসত যেতিয়া মাতাল হৈ পৰিব পৃথিৱী বুকুত বুকু থোৱা উশাহৰ ভৰত চঞ্চলা হৈ উঠিব এন্ধাৰবোৰ। "নিচা নহ'লে টোপনি নাহে" হুইস্কীৰ বটল নোখোলাকৈয়ে কিহৰ নিচা কৰিব আপুনি কওঁক দুচকুত দুচকু থৈ প্ৰেমৰ নিচা কৰিব! হৃদয়ৰ ৰং ঢালি দিয়া স্পৰ্শৰ শিহৰণক ইম্পেৰিয়েল ব্লুৰ গিলাছত ডুবাই ৰাখিব পাৰিব! পাৰে যদি কওঁক না বিলাতি সুৰাৰ ৰাগীতে ৰাগীয়াল কৰিম নিশাটো। আপুনিটো জানেই মই হৃদয় হেৰুওৱা কবি আৰু মোৰ বেৰঙী দুনিয়াৰ আপুনি সেউজ ৰঙা কৃষ্ণচূড়া। আপুনি প্ৰেমিক হ'ব মোৰ দুচকুৰ, মোৰ কাণত ওলমি ৰোৱা ঝুমকা জোৰৰ, মই পিন্ধা বগা কুৰ্তিটোৰ। আৰু মই..... মই আপোনাৰ আউল লগা জীৱন খেলৰ প্ৰত্যেকটো ইনিংছৰ আজীৱন লগৰী হ'ম। নিচা 🍷 #poems #assamesepoetry #writing #poetry #whisky #love