ఈడొచ్చిన చినదానికి మొగుని రాక ఓదార్పు ప్రేమించిన కుర్రాడికి చెలియ రాక ఓదార్పు నీటి చెమ్మ జాడ లేక వసుధ గుండె పగిలిందీ బీడుబడిన నేలమ్మకు వాన రాక ఓదార్పు వేడుకలను కాంక్షించీ వేదనలను ఓర్చిందీ గాయపడిన వేణువుకూ కృష్ణ రాక ఓదార్పు కళ తప్పిన మాను మేను కూల్చేందుకు గాలి గోల శిశిరమంచు వనసీమకు చిగురు రాక ఓదార్పు మూడు దశల జీవితాన శోకమెంతొ వన్నెలయ్య బాధలలో మోము పైన నవ్వు రాక ఓదార్పు #వన్నెలయ్య_గజల్ 71 #గజల్ #గజల్స్ #ఓఓదార్పు #ఓదార్పు #gazallover #gazal