गागाल गालगागा गागाल गालगागा (आनंदकंद) लबाड... माझ्या मुखास आता साधे कवाड नाही ! खोटेच बोलतो रे पण मी लबाड नाही ! ईडी घरात आली अन् मी तिला म्हणालो ! लपवून ठेवले ते माझे घबाड नाही ! साधा सुधा भला मी सामान्य नेक आहे ! कुठल्याच माफियाशी माझा जुगाड नाही ! आश्वासनात केले मेघात घोष मुरले रिमझिम सुमार वर्षा पण ताड-ताड नाही ! घेतो विकत मते जो निवडून तोच येतो ! जोमात लोकशाही कुठला बिघाड नाही ! कित्येक आत्महत्या शेती कसून झाल्या ! नेत्यास ना शरम वा कुठलीच चाड नाही ! सत्तेत कोण आहे साधे सरळ नि सज्जन ! आंबट मुजोर कैऱ्या झाडास पाड नाही ! सतीश देशमुख शेंबाळपिंप्री, ता. पुसद जि. यवतमाळ ©Satish Deshmukh लबाड #simplicity
