रात्र सरली दिवस उगवला गत सारुनी सत्य प्रकटला आसवांना पापण्यांनी कवेत घेतले रुदनास अलिंगन ऋदयाने घातले .. प्रभा घेऊनी रविकर अवतरता सोनेरी शालूत शोभली धरतीमाता दवबिंदुनी पादस्पर्श हळुवार केले गार वाऱ्याने हळूच कुंतल सावरले .. भेटीत वसुधेच्या रवी झाला उतावीळ झोपेची चादर झटकून मीलनास व्याकूळ वाऱ्याची गाणी वृक्षवेलींनी गाईली ऐकून फुलेही सुगंधाने न्याहली.. इवलेसे मन प्रकृतीची पाहून लिलया विसरले सारी दु:खे अन् मोहमाया मागते मृत्यूनंतरचे जीवन असावे कोणासम हीच प्रकृती घ्यावी मलाही अणूरेणूच्या कणासम.. #सकाळ

#सकाळ #poem

रात्र सरली दिवस उगवला
गत सारुनी सत्य प्रकटला
आसवांना पापण्यांनी कवेत घेतले
रुदनास अलिंगन ऋदयाने घातले ..
प्रभा घेऊनी रविकर अवतरता
सोनेरी शालूत शोभली धरतीमाता
दवबिंदुनी पादस्पर्श हळुवार केले
गार वाऱ्याने हळूच कुंतल सावरले ..
भेटीत वसुधेच्या रवी झाला उतावीळ
झोपेची चादर झटकून मीलनास व्याकूळ
वाऱ्याची गाणी वृक्षवेलींनी गाईली
ऐकून फुलेही सुगंधाने न्याहली..
इवलेसे मन प्रकृतीची पाहून लिलया
विसरले सारी दु:खे अन् मोहमाया
मागते मृत्यूनंतरचे जीवन असावे कोणासम
हीच प्रकृती घ्यावी मलाही अणूरेणूच्या कणासम.. #सकाळ

Dileep Bhope

सकाळ झाली पाखरांचा चिवचिवाट रंगात येतो. डोळ्यावर झोप तरी उत्साह नवा झिंगाट होतो. ©Dileep Bhope सकाळ

सकाळ #मराठीकविता

Pushpraj Patil

क्षितिजापलिकडून या उगम सुर्याचा होत आहे पाहून हे दृश्य मज मना हर्ष ओसंडत आहे हळूच स्पर्श हा गार वाऱ्याचा या देहाला भासत आहे होई सकाळ‌ प्रकाशमई‌ नव्या पर्वाची, वसुंधरा वाट ही पहात आहे सुमधुर आवाज पक्ष्यांचे एक नवीन संगित देत आहे ऐकुन हे सुर नवे जणू कृष्ण बासरी वाजत आहे हिरव्या हिरव्या पिकावरी दव बिंदु मोती भासत आहे पाहून हे सौंदर्य सृष्टीचे मन बेधूंद गाणी ‌ गात आहे विसरुनी सारे अपयश कालचे एक नवी सुरुवात होत आहे सोडूनी घरटे मनुष्यराज एक नवी वाट शोधत आहे मिळेल यश तुज मानवा भास्कर ही साक्ष देत आहे होई सकाळ प्रकाशमई नव्या पर्वाची, वसुंधरा वाट ही पहात आहे #सकाळ