◽আপুনি আহিব◽ প্ৰেক্টিকেল জীৱনে জোকাৰি নোযোৱা বাটেৰে আপুনি আহিব নাহৰৰ ইপাৰে থকা মোৰ বেৰঙী দুনিয়ালৈ। তৰুৱা কদমৰ হাঁহিত উজলি উঠিব আপুনি অহাৰ পথ। বনৰীয়া পখীৰ কলস্বৰ হয়টো উন্মনা হৈ পৰিব। এন্ধাৰৰ সুযোগত যদি বিচাৰে এটা গল্ড ফ্লেকৰ পেকেট! দুঃখিত। মই দিব নোৱাৰিম আপোনাৰ হাতত তুলি। বেয়া পাব নেকি? এহঃ পালেও পাওঁক। চিগাৰেটৰ ধোঁৱাই তলকিব নোৱৰা নিচা মই আপোনাক দিব পাৰো। জেস্মিনৰ সুবাসে মতলীয়া কৰা বতাহজাকত যেতিয়া বাউলী হৈ পৰিব নিশাটো মোৰ বেসুৰা কণ্ঠেৰেই গাই যাম "য়ে ৰাতে য়ে মৌচম নদী কা কিনাৰা য়ে চঞ্চল হাৱা" জোনাকে ধোৱা মায়াময় ৰাতিত আপোনাৰ দুচকুত আৱিষ্কাৰ কৰিম এটা নতুন ফাগুনৰ বেগুনীয়া এজাৰ। ✍️হিমাশ্ৰী বৰুৱা The first poem uploaded on Your quote. Hope you'll love this. #assamesepoetry #lovequotes #writingcommunity #poetrycommunity #lovepoem #assamesepoem #lovediaries