चंद्र नभीचा मागे राघव वाटे कौतुक कौसल्येसी परि न उलगडे तिजला कोडे आणू कैसा चंद्र खालती सोने चांदी माणिक मोती जडलेली ती किती खेळणी चित्त तरीपण श्रीरामाचे जडे नभीच्या चंद्रावरती राजा दशरथ हसतो गाली पेच पडे हा साऱ्यांनाही उपाय कसला योजू आता राण्या तिन्ही विचार करती कौतुक करती सारे परिजन श्रीरामाच्या या लीलांचे जो तो गुंते मोहिमेत या शोधण्यास ती नामी युक्ती कौसल्येसह राण्या दोन्ही प्रयत्न सारे करून थकल्या तेवढ्यात ते सुमंत मंत्री रामापाशी तेथे येती हट्ट ऐकुनी विचार करूनि आसपास ते बघता मंत्री पटकन सुचली युक्ती त्यांना चंद्र आणुनी देतो म्हणती जमिनीवरती चंद्र नभीचा दिसे ठेवता एक आरसा आनंदाचे हास्य फुले ते श्रीरामाच्या ओठांवरती दिसता राघव तो आनंदी राजाराणी पण सुखावले क्षणात कोडे अवघे सुटले मोद पसरला हो सभोवती ----- उमा जोशी २१/०२/२०२१ ©उमाच्या मनातलं #गोदातीर्थ #चंद्र नभीचा
