Nojoto: Largest Storytelling Platform
Download Nojoto

Install App Get upto ₹ 100 Cash

anandkumarashodh5037
  • 142Stories
  • 30Followers
  • 1.1KLove
    21Views

Anand Kumar Ashodhiya

Author, Writer, Composer, Blogger, Publisher

http://haryanvigana.blogspot.com

  • Popular
  • Latest
  • Video
f90401d9a38b92b618e820ba9869f359

Anand Kumar Ashodhiya

अशोक तंवर : चुनावी रागनी दोचश्मी  औरत : श्री अशोक तंवर जी नै, पिया इब जितवावेंगे।  पुरुष  :  गौरी 21 तारीख नै, कमल का बटण दबावेंगे॥ औरत :  36 जातों का प्यारा, यो सबके हक दिलवा रहया  पुरुष  :  सिरसा डिस्ट्रिक्ट तै, यो न्या का झण्डा ठा रहया  पुरुष  :  मनै कसम तेरी खाली, इबकै हँगा लावेंगे। पुरुष  :  गौरी 21 तारीख नै, कमल का बटण दबावेंगे॥ औरत :  बे‌रोजगारी भत्ता, यो दस हजार मिलेगा  पुरुष  :  हो घर घर एक नौकरी, भाई कोशिश यो करेगा  पुरुष  :  बुर्जुग महिला पैंशन, पाच हजार दिवावेंगे। पुरुष  :  गौरी 21 तारीख नै, कमल का बटण दबावेंगे॥ औरत : राशन, गैस कनेक्शन, बिजली पाणी दे रहया पुरुष  :  शिक्षा मुफ्त चिकित्सा, किसान मानधन दे रहया पुरुष  :  एन पी एस के जरिए सबकी, पेंशन बंधवावेंगे। पुरुष  :  गौरी 21 तारीख नै, कमल का बटण दबावेंगे॥ औरत : कहै आनन्द शाहपुरिया, करो वोटा का जरिया  पुरुष  :  करे हाथ जोड़ विनति, जितवादो इस बरिया  पुरुष  :  गरीब किसान पिछड़ों की, आवाज उठावेंगे। पुरुष  :  गौरी 21 तारीख नै, कमल का बटण दबावेंगे॥ Anand Kumar Ashodhiya©2024 ©Anand Kumar Ashodhiya #कविता

कविता

10 Love

f90401d9a38b92b618e820ba9869f359

Anand Kumar Ashodhiya

नहाकै ,आकै सिगरण लागी चुटकी, बिछुएं ,पायल, पहरे पहर लिये पगपान कडी टणका छैल कडे था नेवरी पाती पर ध्यान झाझन और कडुले पहरे शोभा बनगी बेअनुमान मगजी ऊपर पायपीन गोटा का किनारा चमकै लाल लामन लगी हुई रंग रंगीला न्यारा चमकै काला दामन पहर रही सारा प्यारा प्यारा चमकै घटा जैसे सामण मै छागी तागड़ी का गुच्छा सटका चाल म्ह झंकारा लागै झब्बेदार नाडा , कमरबंध का चमकारा लागै नौ डांडी का बाजना जो बाजता भी प्यारा लागै कुर्ता कुर्ति आंगी चोली का रंग गजब घाल रहा गलसरी, कंढी,गल पटटी जुगनी का धमाल रहा हंसली पतरी हार झालरा हमेल का कमाल रहा कई माला थी मन को भागी अंगूठी,वींटी,मूंदडी थे छाप और हथफूल पाती छन्न कडे़,छन्न पछेल्ली ,गजरा गोखरु करामाती चूडी,,चूडामणि कंगन फूंदा ,पौंची मन को भाती डंडे बाली झुमकी लटकै जो कानों का है सिंगार नाक में नथनी सजाई मुखड़ा चंदा सी उनिहार ठीक बीच में टिकी आई काली भोहे बनी कटार केश थे काले मांग जमागी छाज ,बोरला,राखडी सिंगार पट्टी लग रही प्यारी सितारे भी करै पलापल सिर क ऊपर चीर हजारी काले सैंडल पहर लिए पनघट की करली तैयारी सिर के ऊपर दौघड़ धरी हाथ के में लिया डोल केले कैसा गात लरजता पैरों मै बजती रमझोल अशोक कुमार जाखड़ जो मर्द देखता रहा बोल कोई हूर स्वर्ग की धरा पै आगी ©Anand Kumar Ashodhiya Haryanvi Ragni by Ashok Jakhad

Haryanvi Ragni by Ashok Jakhad #समाज

27 Views

f90401d9a38b92b618e820ba9869f359

Anand Kumar Ashodhiya

देश की बेटी म्हारी बेटी तू किसके आगे हाथ जोड़ती, रो रो कर रही चीख पुकार लँगड़ा लूला पुलिस महकमा, आंधी बहरी है सरकार न्या मांगणिये बाड़े में बंद, आज भ्र्ष्टाचारी राज करैं जाँच कमेटी बिठा देइ न्या, करते करते आज करैं चौगिरदे कै पुलिस बिठया दी, ना क्याहे की ल्ह्याज करैं बब्बर शेर भी बेबस होग्ये, कित लग चिड़िया बाज मरैं देश की शान बढ़ावण आले, आज हो रहये सैं लाचार बिका हुआ दलाल मीडिया, चुपका सा तमाम होग्या आँख पे पट्टी मुँह पे टेप, सरकारी गुलाम होग्या यौन शोषण का दोषी आज, मीडिया का राम होग्या दबंगई कर नेता बणग्या, न्यू समझे भगवान होग्या भाण और बेटी लगी दाँव पे, यो कौरव का दरबार कौम की बेटी इज्जत खातिर, रो रो कै नै डकराती जिगरे आले सत पुरुष ही, सच के बणैं हिमाती स्वाभिमान, ज़मीर की खातिर, हो वज्जर कैसी छाती देश की बेटी, म्हारी धरोहर, इज्जत ही तो कहलाती ना जाति, ना प्रभुत्व भरो, इज्जत की हुंकार दागी नेता, भ्रष्ट प्रशासन, ना होती काररवाई न्या पावण की खातिर बेटी, भरती फिरें तवाई खरदूषण लाईलाज बीमारी, करणी पड़ै दवाई आनन्द शाहपुर उठ खड़या हो, क्यूँकर करै समाई दो हर्फी है माँग हमारी, हो खरदूषण गिरफ्तार रचयिता : आनन्द कुमार आशोधिया@कॉपीराइट ©Anand Kumar Ashodhiya देश की बेटी म्हारी बेटी - हरयाणवी रागनी। #हरयाणवी #हरयाणवी_रागनी

देश की बेटी म्हारी बेटी - हरयाणवी रागनी। #हरयाणवी #हरयाणवी_रागनी #कविता

16 Love

f90401d9a38b92b618e820ba9869f359

Anand Kumar Ashodhiya

देश की बेटी म्हारी बेटी तू किसके आगे हाथ जोड़ती, रो रो कर रही चीख पुकार लँगड़ा लूला पुलिस महकमा, आंधी बहरी है सरकार न्या मांगणिये बाड़े में बंद, आज भ्र्ष्टाचारी राज करैं जाँच कमेटी बिठा देइ न्या, करते करते आज करैं चौगिरदे कै पुलिस बिठया दी, ना क्याहे की ल्ह्याज करैं बब्बर शेर भी बेबस होग्ये, कित लग चिड़िया बाज मरैं देश की शान बढ़ावण आले, आज हो रहये सैं लाचार बिका हुआ दलाल मीडिया, चुपका सा तमाम होग्या आँख पे पट्टी मुँह पे टेप, सरकारी गुलाम होग्या यौन शोषण का दोषी आज, मीडिया का राम होग्या दबंगई कर नेता बणग्या, न्यू समझे भगवान होग्या भाण और बेटी लगी दाँव पे, यो कौरव का दरबार कौम की बेटी इज्जत खातिर, रो रो कै नै डकराती जिगरे आले सत पुरुष ही, सच के बणैं हिमाती स्वाभिमान, ज़मीर की खातिर, हो वज्जर कैसी छाती देश की बेटी, म्हारी धरोहर, इज्जत ही तो कहलाती ना जाति, ना प्रभुत्व भरो, इज्जत की हुंकार दागी नेता, भ्रष्ट प्रशासन, ना होती काररवाई न्या पावण की खातिर बेटी, भरती फिरें तवाई खरदूषण लाईलाज बीमारी, करणी पड़ै दवाई आनन्द शाहपुर उठ खड़या हो, क्यूँकर करै समाई दो हर्फी है माँग हमारी, हो खरदूषण गिरफ्तार रचयिता : आनन्द कुमार आशोधिया@कॉपीराइट ©Anand Kumar Ashodhiya देश की बेटी म्हारी बेटी #हरयाणवी #हरयाणवी_रागनी

देश की बेटी म्हारी बेटी #हरयाणवी #हरयाणवी_रागनी #कविता

48 Views

f90401d9a38b92b618e820ba9869f359

Anand Kumar Ashodhiya

हरियाणा संस्कृति का ह्यस फेसबुक और इंस्टाग्राम पे, एक नया पुवाड़ा होग्या रील बणावण के चक्कर में, यो देश उघाड़ा होग्या भले घरां की बहू अर बेटी, आज रील बणावण लागी अंग प्रदर्शन करैं, अर्धनग्न हो, वाह वाह पावण लागी वक्ष दिखाके, नितम्ब हिलाकै, उरोज हिलावण लागी कदे बन्द कमरे में कदे छात पे, खड़दम तारण लागी लाज शर्म सब बेच कै खागी, यो घर घर राड़ा होग्या आँख नचाके, मुँह बितराके, कामुक इशारे करण लगी लाइक पावण के चक्कर मे, पींघ इश्क की भरण लगी अंजाणे और गैर मर्द की, बाँहया के महँ तिरण लगी सैर सपाटे गळ बंहिया हो, होटल मोटल फिरण लगी इश्क का भाण्डा फूट गया फिर, घर मे खाड़ा होग्या घर की भाभी, बहू गाम की, बणी सेटिंग और पटोले भाण और बेटी फीम अर लाडू, इन कवियाँ ने कित रोले गन्दी भाषा, गन्दा गाणा, द्विअर्थी मतलब टोह ले स्याणा माणस शर्म के मारे, सिर धरती में गो ले गायक नायक गीतकार सब, धन का लाड़ा होग्या सभ्यता और संस्कृति का, हरियाणे में हयास हुया डी जे आळे गाणे सुण सुण, नई पीढ़ी का नाश हुया हास्य नाटक लाइव स्टैंडअप, सबका पर्दाफाश हुया देख देख कै ढंग दुनिया का, एक नया आभास हुया कहै आनन्द शाहपुर संस्कृति का, काम बिगाड़ा होग्या। रचयिता : आनन्द कुमार आशोधिया@कॉपीराइट ©Anand Kumar Ashodhiya हरियाणा संस्कृति का ह्यास #हरयाणवी #हरयाणवी_रागनी #रागनी #कविता #फेसबुक #इंस्टाग्राम

हरियाणा संस्कृति का ह्यास हरयाणवी हरयाणवी_रागनी रागनी कविता फेसबुक इंस्टाग्राम

27 Views

f90401d9a38b92b618e820ba9869f359

Anand Kumar Ashodhiya

प्यार की पतँग गळ कै लगाकै, प्यार जताकै, तूँ धोखा दे कै जाइये ना। भाइयाँ की सूँ मर ज्यांगी, तूँ मन्ने छोड़ कै जाइये ना।। तेरी छाती ऊपर सिर धरकै मैं एक सहारा टोहूँ सूँ। तेरी बाँहयां के घेरे में, मैं नीन्द चैन की सोऊँ सूँ।। जो सपने में तूँ आ रहया हो तो नीन्द तै मन्ने जगाईये ना।। तेरे सत पै छोड़ दिया मन्ने अपणा कुटुम्ब कबीला। सारी दुनियाँ एक औड़ तूँ बणग्या प्यार वसीला।। तेरे कहे तै विष पी ल्यूंगी पर विश्वास तोड़ के जाइये ना।। अपणे प्यार के मन मन्दिर में, तेरी तस्वीर सजा ल्युँगी। जो माँगेगा वो दे दयूंगी, तेरी सारी ए टहल पूजा दयूंगी।। मेरे प्यार नै ठुकरा कै, दिलदार बाहर तूँ जाइये ना।। "आनन्द शाहपुर" के वादे पै मन्ने भरोसा पूरा सै। तेरे बिना ओ मेरे साजन, यो सँसार अधूरा सै।। मेरे प्यार की पतँग लूटकै तूँ डोर तोड़ कै जाइये ना।। गीतकार : आनन्द कुमार आशोधि ©Anand Kumar Ashodhiya प्यार की पतंग #हरयाणवी

प्यार की पतंग #हरयाणवी #कविता

7 Love

f90401d9a38b92b618e820ba9869f359

Anand Kumar Ashodhiya

हरयाणा राज्यगीत उत्तर भारत के मध्य में, एक बसै देश हरियाणा सै हरित क्रांति का अग्रणी, जित दूध दही का खाणा सै सिन्धु घाटी पादुर्भाव की, है उद्गम स्थली हरियाणा वैदिक सभ्यता और गीता की, उद्गमस्थली हरियाणा इस गौरवशाली राज्य का, इतिहास बहुत पुराणा सै हरित क्रांति का अग्रणी, जित दूध दही का खाणा सै भगवत गीता के उद्भव का, जन्मस्थल है हरियाणा महाकाव्य महाभारत युद्ध का, रणस्थल है हरियाणा पानीपत की तीन लड़ाईयों का, चश्मदीद हरियाणा सै हरित क्रांति का अग्रणी, जित दूध दही का खाणा सै राजस्थान और दिल्ली यूपी, दक्षिण पश्चिमी राज्य हैं उत्तर में पंजाब हिमाचल, सटे सीमावर्ती राज्य हैं दक्षिण पश्चिम शिवालिक पहाड़ी, अरावली पर्वतमाळा सै हरित क्रांति का अग्रणी, जित दूध दही का खाणा सै सूरजकुण्ड और बड़खल झील, इसे सुशोभित करते हैं हथिनी कुण्ड और ब्रह्म सरोवर, इसे प्रभाषित करते हैं ताजेवाला और कौशल्या बाँध, पाणी का परणाळा सै हरित क्रांति का अग्रणी, जित दूध दही का खाणा सै यमुना घग्गर इन्दिरा नहर, राज्य को सिंचित करती हैं मारकण्डा और नदी सरस्वती, राज्य को चिन्हित करती हैं सतलुज यमुना लिंक बणा कै, एक इतिहास रचाणा सै हरित क्रांति का अग्रणी, जित दूध दही का खाणा सै कृषि प्रधान राज्य के कृषक, हरियाणे की शान हैं लम्बे तगड़े युवा सैनिक, इस राज्य की पहचान हैं हृष्टपुष्ट और स्वस्थ नागरिक, जन भागीदार बनाणा सै हरित क्रांति का अग्रणी, जित दूध दही का खाणा सै अंतरराष्ट्रीय खेल जगत में, अव्वल नम्बर हरियाणा दूध उत्पादन और उद्योगों में, सिरमौर हुआ हरियाणा आत्मनिर्भर कौशल विकास से, स्वरोजगार बढ़ाणा सै हरित क्रांति का अग्रणी, जित दूध दही का खाणा सै हरियाणे में लोक कवि और, गीतकार विद्वान हुए उनकी रचना राग रागनी, हरियाणे का मान हुए हरयाणा एक हरयाणवी एक, सबके दिल धड़काणा सै हरित क्रांति का अग्रणी, जित दूध दही का खाणा सै सूर्यकवि श्रीलखमीचन्दजी, गायन रस की खान हुए कवि शिरोमणि माँगेरामजी, जनमाणस की ज्यान हुए लोक कला और संस्कृति में, सबने नाम कमाणा सै हरित क्रांति का अग्रणी, जित दूध दही का खाणा सै आओ मिलकर प्रण करें हम, राज्य का मान बढ़ाएंगे जय हरियाणा जय हरियाणवी का, मिलके नारा लगाएंगे नवनिर्माण करण की सोचो, ना पिछले पे इतराणा सै हरित क्रांति का अग्रणी, जित दूध दही का खाणा सै शिक्षा दीक्षा जन कल्याण से, विकसित समाज बनाएंगे बेटी बचाओ बेटी पढ़ाओ, हर कन्या को शिक्षित बनाएंगे जगमग गाम स्वच्छ हरियाणा, यो अभियान चलाणा सै हरित क्रांति का अग्रणी, जित दूध दही का खाणा सै आनन्द कुमार आशोधिया ©Anand Kumar Ashodhiya #हरियाणादिवस

#हरियाणादिवस #कविता

9 Love

f90401d9a38b92b618e820ba9869f359

Anand Kumar Ashodhiya

#कविता

27 Views

f90401d9a38b92b618e820ba9869f359

Anand Kumar Ashodhiya

#कविता

27 Views

f90401d9a38b92b618e820ba9869f359

Anand Kumar Ashodhiya

#कविता

27 Views

loader
Home
Explore
Events
Notification
Profile