ଗୋଲାପ 🌹 ----------- ଗୋଲାପ 🌹 ------------- ମୋର ବହି ଥାକ ରେ ଥିବା ପୁରୁଣା ବହି ସବୁ ଆଜି ସଜାଡ଼ିଲା ବେଳେ ହଠାତ +୨ ସମୟ ର ଇତିହାସ ବହି ଉପରେ ଆଖି ଅଟକିଗଲା କିଛି ସମୟ ପାଇଁ । ନିରବି ଗଲି ବହିଟିକୁ ହାତରେ ଧରି, ମନର ଦରଜା ଖୋଲି ସ୍ମୃତି ସବୁ ଆସିବାକୁ ଲାଗିଲେ ମୋ ପାଖକୁ ଆଉ ମତେ ବାଧ୍ୟ କରିଦେଲେ ସେ ଇତିହାସ ବହିର ପୃଷ୍ଠା ସବୁ ଲେଉଟେଇବା ପାଇଁ । ଓଃ କଣ ବା କରିଥାନ୍ତି ମୁଁ ? ଧୀରେ ଧୀରେ ପୃଷ୍ଠା ପରେ ପୃଷ୍ଠା ଓଲଟାଇ ଚାଲିଲି ଆଉ ହଠାତ ୭୨ ସଂଖ୍ୟା ପୃଷ୍ଠା ରେ ଆବିଷ୍କାର କଲି ଶୁଖିଯାଇଥିବା "ଗୋଲାପ" ଟି କୁ । ତାକୁ କିନ୍ତୁ ପୁଣିଥରେ ହାତରେ ଧରିବାର ସତ୍-ସାହସ ମୋର ନଥିଲା, ଲୁହ ଗୁଡ଼ା ଧୀରେ ଧୀରେ ଆଖି କୋଣରେ ଜକେଇ ଆସୁଥିଲେ । ଅଥଚ ସେ ଗୋଲାପ ଟି ମତେ ତାଛଲ୍ୟ କରି ହସି ଚାଲିଥିଲା । ଆଉ ମତେ ଯେମିତି କହୁଥିଲା ପିଣ୍ଟୁ ତୁ ହାରିଯାଇଛୁ, ସତରେ ତୁ ହାରିଯାଇଛୁ ଭଲପାଇବା କୁ ହରେଇ ତୁ ହାରିଯାଇଛୁ ନିଜର ଜିଦି ପାଇଁ ତୁ ନିଜ ପାଖେ ବି ହାରିଯାଇଛୁ
