New gujarati gazal kavita Quotes, Status, Photo, Video

neel

#GreenLeaves #gujarati #kavita Life

green-leaves જે મહીં વસેલો છે શોધું હું તેને કંકણ પત્થરમાં
તલાશ ખુદની પછી કેમ થાય પુરી જીવતરમાં

પડે છે નઝર જયાં ત્યાં થાય છે અનુભવ એનો
ઘડીકમાં દેખાય ને થાય અલોપ હરેક અવસરમાં

કરૂં છું પ્રયાસ કે તે ઘટવાસી સમજે મારા મૌનને
પણ ખુદ ના કર્મ થકી હું નડુ છું ખુદને નડતરમાં

ભીતર પર્વત પડ્યો અહંકાર નો મારી ધારણાથી
ક્યાંથી મળે ધારા અમૃતમય મારા આ ઘડતરમાં

કાશ થઈ જાય પુરી ભટકન હવે એક જ જાટકે
શૂન્યતા થી જાઈને પરે મળે સ્થિરતા કૈ અંતરમાં

આ મારા અંતર માં બહુ શોરબકોર છે સન્નાટાનો
મળે ખરી શાંતિ કોઈ વિરલાને કઈક મનવંતરમાં

શ્વાસની આવજાવ વચ્ચે રહી જાય છે ખાલીપો
નિલ એ જ મારગથી તું ઉતરી જા હવે ભીતરમાં

©neel #GreenLeaves #gujarati #kavita #Life

neel

#Newyear2025 #gazal #gujarati life Love

New Year 2025 એમ ના સમજો કે મારી વાતમાં દમ નથી,
પ્રેમના રોકાણમાં શું કાઇ જોખમ નથી!

શું નશો છે એ અદાનો એ ન પૂછો મને,
બેખુદી મારી કહું એ મયથી કૈં કમ નથી.

રોગ છે એ ને કહો તો એ દવા પણ હવે,
નામની મ્હોબત હતી એનો હવે ગમ નથી.

સાથ હો કે ના હો કાંઈ ફેર પડતો નથી,
ધાવ નાસૂર થ્યા ને મળતો કોઇ મરહમ નથી.

રતજગામાં નામ લેવાયો મહોબત થકી,
જાગતી રાતોની આજે કોઇ મોસમ નથી.

આંખ આજે ના મળાવે નીલ એ ના સહી.
હું નથી દિલમાં સનમ એ વાતમાં દમ નથી.

- નિલમકુમાર બુધ્ધભટ્ટી "નીલ"

©neel #Newyear2025 #gazal #gujarati #life #Love

neel

#leafbook #gazal #gujarati Life #Anubhav

Unsplash આ જે એકલતા છે એનો ઈલાજ તો મળે!
ગીરવે છે લાગણીઓ પણ વ્યાજ તો મળે!

ડર શું પીવાઈ જવાનો મૃગજળને પણ હશે?
ઝાંઝવાઓ પણ પી જાઈએ, પ્યાસ તો મળે!

વાત મોભમમાં કહે તો છે સાવ ખાનગી,
પણ સમજવાને બધી વાતો ક્યાસ તો મળે!

મૌન ભીતરનું હવે ગૂંગળાઈ ના જાય બસ,
ચૂપકેથી સાંભળે, કોઈ પાસ તો મળે!

થાય તો ઈશને કહી દવ નામંજુરી હવે,
એમ એના કામમાં કોઈ કચાસ તો મળે!

બારણું પણ ખટખટાવી રહ્યું છે અતીત ,
હું કદમની પામુ આહટ, આભાસ તો મળે!

નમતું મૂકીએ ખરા સંબંધને ખાતર જરા,
આંખમાં પણ શે', શરમ કોઈ લાજ તો મળે!

નીલ તારું હોવું ના હોવું સરખું સમજજે,
ક્ષણ ખરી હોવાપણાની પણ ખાસ તો મળે!

- નિલમકુમાર બુધ્ધભટ્ટી "નીલ"

©neel #leafbook #gazal #gujarati #Life #Anubhav

neel

#Newyear2024-25 #gazal #gujarati life

New Year 2024-25 એક શમણું પાપણે આવી ઉભું છે,
મારું બચપન આંગણે આવી ઉભું છે.

શોધ ચાલી ખુદની ખુદમાં જીંદગીભર,
કોણ છે! જે બારણે આવી ઉભું છે!

શ્વાસ રૂંધાયા ને નાડી છે બટકતી,
મોત આજે ટાંકણે આવી ઉભું છે.

આવ જા જીવનની અવિરત ચાલવાની,
જન્મ નવતર પારણે આવી ઉભું છે.

ડૂબશે તોફાન ક્યાં આવી કિનારે!
જ્યાં સમંદર ઢાંકણે આવી ઉભું છે.

- નિલમકુમાર બુધ્ધભટ્ટી

©neel #NewYear2024-25 #gazal #gujarati #life

neel

#snow #gazal #gujarati Life

Unsplash રોજ વધતાં રણની ચર્ચા ના કરો,
રેતના સગપણની ચર્ચા ના કરો.

આવ જા છે ખાલી શ્વાસોની અહીં,
આવતી અડચણની ચર્ચા ના કરો.

આયનો મોફટ ઘણું ચોખ્ખું કહે,
બસ હવે ઘડપણની ચર્ચા ના કરો.

જળ ને મૃગજળમાં તફાવત હોય છે
પ્યાસ છે સમજણની, ચર્ચા ના કરો.

શોધ ચાલે છે આ શેની ભીતરે?
કોણ છે એ! જણની ચર્ચા ના કરો.

ધાર્યું એવી જાત પણ હોતી નથી,
નીલ બસ કારણની ચર્ચા ના કરો.

- નિલમકુમાર બુધ્ધભટ્ટી

©neel #snow #gazal #gujarati #Life

neel

#camping #Poetry #gazal #gujarati life

Unsplash એમ કીસ્સા કૈક અણધાર્યા બને છે.
સાદ પણ ક્યારેક ભણકારા બને છે,

સાવ ખાલી છે ગગન મારી નજરમાં,
તે છતાં વિજળીના ચમકારા બને છે.

વાદળો ગાજી રહ્યા યાદોના એની,
આંખ છલકાશે હવે વર્તારા બને છે.

સાવ પોતીકું સમજશો ત્યાં જ જોજો,
અંતમાં સગપણ તે નોંધારા બને છે.

એમ શીતળતા વસંતી ક્યાં મળે છે?
ખીલતા ફૂલો જ્યાં અંગારા બને છે.

રાહ કોઈ ક્યાંક જોતું પણ હશે શું?
કોણ અંગત, ખાસ ને પ્યારા બને છે!

નીલ એના મૌનનું પરિચય શું આપે?
જ્યાં સમય જોઈને સૌ સારા બને છે.

નિલમકુમાર બુધ્ધભટ્ટી

©neel #camping #poetry #gazal #gujarati #life

neel

#sad_quotes #gazal #gujarati life

White એમ ખાલી તપથી સગપણ ના પુછો.
કેમ વિસ્તર્યો મુજમાં છે રણ ના પુછો.

પગ તળે છૂંદે છે મારા અસ્તિત્વને,
છે કશાયોના એ તો ધણ ના પુછો.

આ કદમ ચાલે તો છે ઉત્સાહથી,
તે છતાં શાને છે અડચણ ના પુછો.

કશુંય હોતું પણ નથી ધાર્યા જેવું,
હું નથી શાને હું? કારણ ના પુછો.

છળ કપટની વાત સમજણથી કરું,
દાવ લાગ્યા ખુદના એ ક્ષણ ના પુછો.

ચૂપકીદી નીલ સારી તો નથી.
કંઠમાં ધર્યા વિષના મારણ ના પુછો.

- નીલમકુમાર બુધ્ધભટ્ટી (નીલ)

©neel #sad_quotes #gazal #gujarati #life

प्रकाश " प्रिये"

શબ્દાંજલિ ભેંકાર ઘરનાં ઓરડે, ના હાજરી તારી રહી; તારા વિયોગે જીવવું, મા એજ લાચારી રહી. એજ પળદા ને એજ બારી, એજ અલમારી રહી; અદલો-અદલ એ છે બધું, ના માવડી મારી રહી. આશિષ રૂપે તારા મને, સુખ છે મળ્યું સો વાતનું; કોને કહું? પણ તે છતાં, દુનિયા હવે ખારી રહી. અશ્રુ ભરેલી મે દીઠી, હર આંખ તુજને જાણતી; સંઘર્ષમાં પણ તે ઘસેલી, જાત અણધારી રહી. દુઃખ હો ભલે મેરુ સમું, વખત વિસરાવે છે, ખરું? ભૂલાય ના મમતા કદી, પાંપણ સદા ભારી રહી. બાને હતું શું? સૌ પૂછે, ચાલી ગઈ ચૂપચાપ તું! વાત કરવાને જગતને તો ફક્ત બીમારી રહી. સગપણ બધા તારા થકી, તું હેતની તાકાત મા; પરિવારને સદ્ભાવથી તું, બાંધતી દોરી રહી. નિઃસ્વાર્થ તારો પ્રેમ પામ્યો, ધન્ય મારું આયખું; ઋણ ચૂકવી શું શકું? મા, તું સંત ઉપકારી રહી. પાછી તને જોઈ શકું ના, લાખ વાના છો કરું!; સ્મિતે મઢેલી આખરી,"પ્રિયે" છબી પ્યારી રહી. ©प्रकाश " प्रिये" #Fire ગુજરાતી કવિતા Nîkîtã Guptā Pradeep Soni Andy Mann ɴᴀᴅᴀɴ_______ᰔᩚ________√ RR Singh #maa #gujarati #gazal

#Fire ગુજરાતી કવિતા Nîkîtã Guptā Pradeep Soni Andy Mann ɴᴀᴅᴀɴ_______ᰔᩚ________√ RR Singh #maa #gujarati #gazal

શબ્દાંજલિ

ભેંકાર ઘરનાં ઓરડે, ના હાજરી તારી રહી;
તારા વિયોગે જીવવું, મા એજ લાચારી રહી.

એજ પળદા ને એજ બારી, એજ અલમારી રહી;
અદલો-અદલ એ છે બધું, ના માવડી મારી રહી.

આશિષ રૂપે તારા મને, સુખ છે મળ્યું સો વાતનું;
કોને કહું? પણ તે છતાં, દુનિયા હવે ખારી રહી.

અશ્રુ ભરેલી મે દીઠી, હર આંખ તુજને જાણતી;
સંઘર્ષમાં પણ તે ઘસેલી, જાત અણધારી રહી.

દુઃખ હો ભલે મેરુ સમું, વખત વિસરાવે છે, ખરું?
ભૂલાય ના મમતા કદી, પાંપણ સદા ભારી રહી.

બાને હતું શું? સૌ પૂછે, ચાલી ગઈ ચૂપચાપ તું!
વાત કરવાને જગતને તો ફક્ત બીમારી રહી.

સગપણ બધા તારા થકી, તું હેતની તાકાત મા;
પરિવારને સદ્ભાવથી તું, બાંધતી દોરી રહી.

નિઃસ્વાર્થ તારો પ્રેમ પામ્યો, ધન્ય મારું આયખું;
ઋણ ચૂકવી શું શકું? મા, તું સંત ઉપકારી રહી.

પાછી તને જોઈ શકું ના, લાખ વાના છો કરું!;
સ્મિતે મઢેલી આખરી,"પ્રિયે" છબી પ્યારી રહી.

©प्रकाश " प्रिये" #Fire ગુજરાતી કવિતા Nîkîtã Guptā Pradeep Soni Andy Mann ɴᴀᴅᴀɴ_______ᰔᩚ________√ RR Singh
#maa
#gujarati
#gazal

Ragu

Gujarati